Psychological Thriller
പെയ്റ്റൻ എന്ന സ്ത്രീ ക്ലെയറിന്റെ വീട്ടിൽ അവരുടെ രണ്ടാമത്തെ മകനായ ജോയെ പരിചരിക്കാൻ വേണ്ടി വരുന്നുമധാരളം ആളുകൾ ആ സ്ഥാനത്തേക്ക് വന്നെങ്കിലും ക്ലെയറിന് ആരെയും തൃപ്തികരം ആയി തോന്നിയില്ല.എന്നാൽ പെയ്റ്റൻ പെട്ടെന്ന് തന്നെ ക്ലെയറിന്റെ വിശ്വാസം പിടിച്ചു പറ്റി.എന്നാൽ പെയ്റ്റൻ യഥാർത്ഥത്തിൽ ക്ലെയർ വിശ്വസിച്ച പോലെ ഒരാൾ ആയിരുന്നോ?തന്റെ ഭർത്താവും മകനും മരിച്ചു പോയി എന്നു പറഞ്ഞു അവരുടെ വീട്ടിൽ താമസമാക്കിയ പെയ്റ്റന് പിന്നിൽ എന്തെങ്കിലും ഗൂഢ ലക്ഷ്യങ്ങളുണ്ടോ?
The Hand that Rocks the Cradle Rules the World എന്ന വില്യം വാലസ് റോസിന്റെ ഒരു കവിതശലകം ഉണ്ട്.യഥാർത്ഥത്തിൽ അതിന്റെ അനുസ്മരിക്കുന്നു ചിത്രത്തിന്റെ പ്രമേയത്തിൽ.സൈക്കോളജിക്കൽ ത്രില്ലർ വിഭാഗത്തിൽ ഉൾപ്പെടുത്താവുന്ന ഒരു സിനിമ എന്ന നിലയിൽ നല്ല തീവ്രത നൽകുന്നുണ്ട് ഈ ചിത്രം.കഥയുടെ തുടക്കം മുതൽ പ്രേക്ഷകന് അങ്ങനെ ഒരു തോന്നൽ ഉണ്ടാകുമെങ്കിലും കഥാപാത്രം ചില സമയങ്ങളിൽ പ്രേക്ഷകനെ അമ്പരപ്പിച്ചു കൊണ്ടു അവരുടെ പ്രവർത്തികൾ കൂടുതൽ ഉയരങ്ങളിലേക്ക് എത്തിക്കുന്നുണ്ട്.
തന്റെ ജീവിതത്തിൽ ഉണ്ടായ സംഭവങ്ങൾക്ക് അതിനു കാരണം ആയവരെ ,മറ്റു ഘടകങ്ങൾ ഒന്നും നോക്കാതെ തന്നെ സമീപിക്കുന്ന പെയ്റ്റൻ എന്ന കഥാപാത്രം സിനിമയിൽ മികച്ചു നിന്നു.സസ്പെൻസ് എന്ന ഘടകം പ്രമേയത്തിൽ അധികം സ്വാധീനിക്കുന്നില്ലെങ്കിലും പലപ്പോഴും പ്രേക്ഷകന്റെ പ്രതീക്ഷയ്ക്കും അപ്പുറമാണ് അവരുടെ പ്രതികാര വാജ്ഞ.ഇത്തരം പ്രമേയങ്ങളിലെ മികച്ച സിനിമകളിൽ ഒന്നാണ് The Hand that Rocks the Cradle.തികച്ചും സിനിമയുടെ പേരിനോട് നീതി പുലർത്തുന്ന ഒന്നു.കാണാൻ മറക്കരുത്.
MH View Rating: 3/4T
elegram Channel Link
Movieholic Views 