Movieholic Views

663.RUNAWAY TRAIN(ENGLISH,1985)

663.RUNAWAY TRAIN(ENGLISH,1985),|Thriller|Adventure|,Dir:-Andrey Konchalovskiy,*ing:-Jon Voight, Eric Roberts, Rebecca De Mornay.

മാനി എന്ന കുറ്റവാളി യഥാര്‍ത്ഥത്തില്‍ ആരാണ്?ജയില്‍ വാര്‍ഡന്‍ റാങ്കന്റെ അഭിപ്രായത്തില്‍ അയാള്‍ ഒരു മൃഗം ആണ്.മറ്റുള്ളവരുടെ ജീവനും,എന്തിനു സ്വന്തം ജീവന് പോലും വില കൊടുക്കാത്ത ക്രൂരന്‍.എന്നാല്‍ മാനി പറയുന്നത് അയാള്‍ അതിലും മോശം ആണെന്നാണ്‌.അയാള്‍ ഒരു “മനുഷ്യന്‍” ആണെന്ന് അവകാശപ്പെടുന്നു.”Runaway Train”,adventure വിഭാഗത്തില്‍ ഉള്‍പ്പെടുന്ന ചിത്രം ആണെങ്കിലും ഇത്തരം ഒരു സമസ്യക്ക് കൂടി ഉത്തരം നല്‍കാന്‍ ശ്രമിക്കുന്നുണ്ട്.മാനി-റാങ്കന്‍ എന്നിവരുടെ ശത്രുത രണ്ടു പേരുടെയും ജീവിതത്തിലെ ശരികളെ കൂട്ട് പിടിച്ചാണ് മുന്നോട്ട് പോകുന്നത്.പരമാവധി സുരക്ഷ ഉള്ള ആ ജയിലില്‍ നിന്നും മാനി ചാടി പോകുന്നത് റാങ്കന്റെ ഈഗോയെ കാര്യമായി തന്നെ ബാധിക്കുന്നു.

എന്നാല്‍ താന്‍ ഇനിയും അവിടെ നിന്നും രക്ഷപ്പെടും എന്ന മാനിയുടെ വെല്ലുവിളി അയാള്‍ യാഥാര്‍ത്ഥ്യം ആകിയപ്പോള്‍ ,”ബക്ക്” എന്ന ജീവിതത്തെക്കുറിച്ച് അത്ര വലിയ പിടിയില്ലാത്ത ചെറുപ്പക്കാരനും അയാളോടുള്ള ആരാധന മൂത്ത് അവിടെ നിന്നും രക്ഷപ്പെടുന്നു.അതിശൈത്യത്തില്‍ രക്ഷപ്പെടുന്ന അവര്‍ എത്തി ചേരുന്നത് ഒരു റെയില്‍വേ യാര്‍ഡില്‍ ആണ്.രക്ഷപ്പെടാന്‍ ആയി അവര്‍ തിരഞ്ഞെടുത്തത് ആ തീവണ്ടിയും.മഞ്ഞിന്റെ ഉള്ളില്‍ നിന്നും പടക്കുതിരയെ പോലെ വരുന്ന ആ തിവണ്ടിക്ക് നല്‍കിയ ബി ജി എം കൂടി ആയപ്പോള്‍ വളരെ മനോഹരമായ ഒരു ഫ്രെയിം ആണ് പ്രേക്ഷകന് ലഭിക്കുന്നത്.

രണ്ടു വ്യത്യസ്ത സ്വഭാവം ഉള്ള മനുഷ്യരുടെ കഥയില്‍ നിന്നും ഒരു സാഹസിക യാത്രയ്ക്ക് ശേഷം ചിത്രം സാക്ഷ്യം വഹിക്കുന്നു .ഇവിടെ ആണ് ഉത്തരങ്ങള്‍ കണ്ടെത്തുന്നത്.മാനി എന്താണ് ?റാങ്കന്‍ എന്താണ്?ബക്ക് എന്ന കഥാപാത്രം ചിത്രത്തില്‍ യഥാര്‍ത്ഥത്തില്‍ ആ കണ്ടെത്തലിനുള്ള ഒരു ഉപകരണം മാത്രം ആയി മാറുന്നു.അവരുടെ മനോനില ഇവിടെ ചോദ്യം ചെയ്യപ്പെടാം.ഇത്തരം ചിത്രങ്ങളില്‍ ഉള്ളത് പോലെ മറു വശത്ത് അഴിച്ചു വിട്ട അശ്വത്തെ പോലെ ചലിക്കുന്ന ട്രെയിനിനെ നിയന്ത്രിക്കാന്‍ “സാധാരണ മനുഷ്യര്‍” ശ്രമിക്കുന്നുണ്ട്.എന്നാല്‍ ഒന്നുണ്ട്.ഈ ട്രെയിനിനെ നിയന്ത്രിക്കാന്‍ ആ സാധാരണത്വം പോര.അപകടകരമായ ആ യാത്രയുടെ കഥയില്‍ മാനി ആയി വന്ന “ജോണ്‍ വോയിറ്റ്” മികച്ച പ്രകടനം ആണ് നടത്തിയത്.ഒപ്പത്തിനൊപ്പം നിന്ന “ജോണ്‍ റയാന്‍” ,വാര്‍ഡന്‍ ആയും മികച്ച പ്രകടനം നടത്തി.ഒരു കാലഘട്ടത്തിലെ ചിത്രങ്ങളുടെ മുഖമുദ്ര ആയി മാറിയ ബി ജി എം ചിത്രത്തിന് നല്‍കിയ മൂഡ്‌ ഗംഭീരം ആയിരുന്നു.

അക്കിരോ കുറോസോവയുടെ തിരക്കഥയെ ആസ്പദം ആക്കി നിര്‍മിച്ച ഈ ചിത്രം തീര്‍ച്ചയായും കണ്ടിരിക്കണ്ട ചിത്രങ്ങളുടെ കൂടെ ഉള്‍പ്പെടുത്താവുന്ന ചിത്രം ആണ്.

More Movie suggestions @www.movieholicviews.blogspot.ca

662.DIE TUR(GERMAN,2009)

662.DIE TUR(GERMAN,2009),|Thriller|Mystery|Sci-Fi|,Dir:-Anno Saul,*ing:-Mads Mikkelsen, Jessica Schwarz, Valeria Eisenbart .

ജീവിതത്തിനു റീ-ടേക്ക് ഇല്ല എന്ന വിശ്വാസത്തിനു വിപരീതമായി ഒരു വാതിലിലൂടെ കടന്നു പോകുമ്പോള്‍ അതിനു അവസരം ഉണ്ടാവുക എന്നത് അല്‍പ്പം അതിശയോക്തി തന്നെ ആയിരിക്കും.ജീവിതത്തില്‍ ഒരു പക്ഷെ സംഭവിക്കാന്‍ പാടില്ലാത്ത നിമിഷങ്ങള്‍ ഒന്ന് UNDO ചെയ്യാന്‍ ഉള്ള അവസരം ലഭിക്കുക എന്നത് പ്രമേയം ആയി ചിത്രങ്ങള്‍ ധാരാളം വന്നിട്ടുണ്ട്.എന്നാല്‍ ഒരു പക്ഷെ ആ മാറ്റങ്ങളിലൂടെ ഒരു വ്യക്തി അയാള്‍ ആഗ്രഹിച്ച Comfort Zone ല്‍ എത്തി ചേരുന്നു എന്ന് വിചാരിക്കുക.ഉറപ്പായും അയാളുടെ വര്‍ത്തമാന കാലത്തിനും വ്യത്യാസം ഉണ്ടാകും.അയാളുടെ ഇന്നത്തെ അവസ്ഥയ്ക്ക് കാരണം അന്ന് നടന്ന ആ മോശം സംഭവം ആണെന്ന് വ്യാഖ്യാനിക്കപ്പെടുമ്പോഴും കാലം കാത്തു വച്ച വിധി അത് പിന്തുടരുക തന്നെ ചെയ്യും.

ജര്‍മന്‍ ചിത്രം ആയ Die Tur സംവദിക്കുന്നതും ഇത്തരം ഒരു ആശയം ആണ്.Parallel ആയ മറ്റൊരു ലോകം…അതും അഞ്ചു വര്ഷം പുറകിലേക്ക് ഉള്ളത്.ജരാനരകള്‍ ബാധിച്ച,ഒരു പക്ഷെ അശ്രദ്ധ കാരണം സ്വന്തം മകള്‍ നഷ്ടപ്പെട്ട,ഒപ്പം തന്റെ ജീവിതം അഴുക്കു ചാലില്‍ വീണ ഡേവിഡ്‌ ആ വാതായനത്തിലൂടെ കടന്നു ചെന്നത് അഞ്ചു വര്‍ഷങ്ങള്‍ മുന്‍പ് ആ ദുരന്തം ഉണ്ടായ ദിവസത്തിലേക്ക് ആണ്.പെട്ടന്ന് \അന്നത്തെ ദിവസം ഓര്‍ത്തെടുത്ത ആള്‍ തനിക്കു കഴിയുന്നത്‌ ചെയ്യുന്നു.എന്നാല്‍ ഈ ലോകത്തിനു ഒരു പ്രത്യേകത ഉണ്ട്.അതാണ്‌ നേരത്തെ പറഞ്ഞ സമാന്തര ലോകം എന്നുള്ളത്.ഈ ലോകത്തും ഒരു ഡേവിഡ്‌ ഉണ്ട്.ജരാനരകള്‍ ബാധിക്കാത്ത,മകള്‍ നഷ്ടപ്പെടാത,ജീവിതം അഴുക്കു ചാലില്‍ വീഴാത ആര്‍ട്ടിസ്റ്റ് ഡേവിഡ്‌.

ഒരു ലോകത്തില്‍ ഒരാളുടെ ഭൂതക്കലവും വര്‍ത്തമാന കാലവും ഒരുമിച്ചു പോകില്ല എന്ന് മനസ്സിലായ ഒരാള്‍ മറ്റൊരാളെ ഒഴിവാക്കുന്നു.ഇത് ഡേവിഡിന്റെ മാത്രം കഥയല്ല.സമ്മാന അവസ്ഥയില്‍ ഉള്ള ധാരല്ലം ആളുകള്‍ ഇവിടെയും ഉണ്ട്.സമാന്തര ലോകത്തില്‍ നിന്നും വന്നു പ്രതീകാത്മകം ആയും തങ്ങളുടെ ഭൂതക്കാലത്തെ നശിപ്പിക്കാന്‍ വന്നവര്‍.ഒരു പക്ഷെ അവരുടെ വര്‍ത്തമാന കാലത്തില്‍ ഉള്ളതിനേക്കാളും നല്ല ജീവിതം നയിക്കുന്നവര്‍.അത്ഭുതങ്ങളുടെയും അവിശ്വസനീയതയുടെയും ഒപ്പം ഒരിക്കലെങ്കിലും ഇത്തരം ഒരു ലോകത്തില്‍ എത്തി ചേര്‍ന്നാല്‍ മനസ്സിനെ എങ്ങനെ പാകപ്പെടുത്താം എന്നും ചിന്ത നല്‍കുന്ന ചിത്രം.മേസ് മിഗല്സന്‍ എന്ന അനുഗ്രഹീത ഡാനിഷ് നടന്റെ മികച്ച പ്രകടനം.സയന്‍സ് ഫിക്ഷനും നിഗൂഡതയും ഒത്തു ചേര്‍ന്ന ഒരു ടൈം ട്രാവല്‍ സിനിമ എന്ന നിലയില്‍ നിന്നും ഈ ചിത്രം വൈകാരികം ആയ ഒരു തലത്തില്‍ ആണ് അവതരിപ്പിച്ചിരിക്കുന്നത്.പ്രത്യേകിച്ചും ക്ലൈമാക്സില്‍ ഒക്കെ ആ രീതി കാണാവുന്നതാണ്.മികച്ച ഒരു സിനിമ അനുഭവം ആയിരുന്നു Die Tur!

More movie suggestions @www.movieholicviews.blogspot.ca

661.BANG BANG YOU’RE DEAD(ENGLISH,2002)

661.BANG BANG YOU’RE DEAD(ENGLISH,2002),|Thriller|Crime|,Dir:-Guy Ferland,*ing:-Tom Cavanagh, Ben Foster, Randy Harrison.

ഈ അടുത്ത് കണ്ട മികച്ച ചിത്രം ഇതാണ് എന്ന് ചോദിച്ചാല്‍ ഉള്ള ഉത്തരം ആണ് “Bang Bang You’re Dead”. കൌമാര കാലം പ്രശ്നം ആണോ എന്ന് ചോദിച്ചാല്‍ അതെ.ഭ്രാന്തമായ ചിന്തകള്‍,അഭിനിവേശങ്ങള്‍ ഒക്കെ നാമ്പിടുന്ന പ്രായം.അപകടകരമായ ചിന്തകള്‍ ആണ് ട്രെവര്‍ ആദംസിനെ ആ സ്ക്കൂളില്‍ എല്ലാവര്ക്കും അനഭിമതന്‍ ആക്കി മാറ്റിയത്.ഒരു റിബല്‍ ആയി അവന്‍ അവതരിപ്പിക്കപ്പെട്ടൂ.സ്ക്കൂളിലെ റഗ്ബി ടീമിനെ ബോംബ്‌ വച്ച് തകര്‍ക്കും എന്നതായിരുന്നു ഭീഷണി.ആ ചെറിയ പട്ടണത്തില്‍ ഉള്ള ആളുകള്‍ അവനെ ഭയന്ന് തുടങ്ങുന്നു.അവന്റെ ഒപ്പം തന്റെ കുട്ടികളെ സ്വീകരിക്കാന്‍ മറ്റു മാതാപിതാക്കള്‍ തയ്യാറാകുന്നില്ല.ഒപ്പം അവന്റെ പിതാവ് നടത്തുന്ന ഡ്രൈ ക്ലീനിംഗ് കടയില്‍ പോലും ആളുകള്‍ അവന്റെ സാമീപ്യത്തെ വെറുക്കുന്നു.

ഒരു തെറ്റില്‍ നിന്നും മറ്റൊന്നിലേക്കു പോകാന്‍ ഉള്ള പ്രേരണ ആണ് അവനു ലഭിക്കുന്നത്.അമേരിക്കയിലും മറ്റും നടക്കുന്ന സ്ക്കൂളുകളിലെ ആക്രമണങ്ങള്‍ക്ക് പുറകില്‍ ഉള്ള ഒരു കാരണം ആണ് ഈ ചിത്രം ചര്‍ച്ച ചെയ്യുന്നത്.ഒരു പക്ഷെ അത്യന്തികം ആയി ഇതായിരിക്കും അതിനുള്ള കാരണം.ഒരു പക്ഷെ തൊട്ടാല്‍ തീ പൊള്ളുന്ന പ്രായത്തില്‍ ബന്ധങ്ങളുടെ വില കുറഞ്ഞ പാശ്ചാത്യ രാജ്യങ്ങളില്‍ അവരുടെ സംസ്ക്കാരവും ആയി ഇഴാകി ചേര്‍ന്നിരിക്കാം ഇത്തരം സംഭവങ്ങള്‍.സ്നേഹത്തിലൂടെ ഒരു പക്ഷെ മാറ്റാവുന്ന സംഭവങ്ങള്‍ പലപ്പോഴും കൈ വിട്ടു പോകുന്ന അവസ്ഥ എത്ര മാത്രം ഭയാനകം ആയി മാറുന്നു?ട്രെവര്‍ ആദംസ് അത്തരം ഒരു സമൂഹത്തിന്റെ പ്രതിനിധി ആണ്.

William Mastrosimone അവതരിപ്പിച്ച ഇതേ നാടകത്തിന്റെ പേരില്‍ ഉള്ള ചിത്രം ഒരു പക്ഷെ അമേരിക്കന്‍ സ്ക്കൂളുകളില്‍ ഏറ്റവും കൂടുതല്‍ അവതരിപ്പിച്ച നാടകങ്ങളില്‍ ഒന്നാണ്.ഒരു പ്രായത്തില്‍ മറ്റൊരാളില്‍ നിന്നും ഏല്‍ക്കുന്ന ചെറിയ തള്ളല്‍ പോലും ആത്മാഭിമാനത്തിന് എന്ത് മാത്രം കഷ്ടം ഏല്‍പ്പിക്കുന്നു?മാതാപിതാക്കളുടെ സമീപനം എന്ന് വേണ്ട ചുറ്റും ഉള്ള എന്തും അവനു ശത്രുക്കള്‍ ആണ്.ഇത് ആയ സ്ക്കൂളിലെ ട്രവരിന്റെ മാത്രം കാര്യം അല്ലായിരുന്നു.കൂടുതല്‍ അപകടകരമായ രീതിയിലേക്ക് ആ സംഭവങ്ങള്‍ വഴുതി മാറുന്നു.എന്നാല്‍ മുന്നില്‍ ട്രവര്‍ ആയിരുന്നു കുറ്റക്കാരന്‍ എല്ലാവരുടെ മുന്നിലും.എന്നാല്‍ അതിലും അപകടകരമായ അവസ്ഥയിലേക്ക് നീങ്ങുന്ന ആ സ്ക്കൂളിന്റെ ബാക്കി കഥയാണ് Bang Bang You’re dead ല്‍ അവതരിപ്പിക്കുന്നത്‌.

തീര്‍ച്ചയായും കാണേണ്ട ചിത്രങ്ങളില്‍ ഒന്നാണ് Bang Bang You’re dead!!

More Movie Suggestions @www.movieholicviews.blogspot.ca

660.A VIOLENT PROSECUTOR(KOREAN,2016)

660.A VIOLENT PROSECUTOR(KOREAN,2016),|Crime|,Dir:-Lee Il-Hyeong,*ing:-Hwang Jung-Min,Gang Dong-Won

കൊറിയന്‍ സിനിമയിലെ മികച്ച നടന്മാരില്‍ ഒരാളായ ജംഗ് മിന്‍ വക്കീലായി അഭിനയിച്ച ചിത്രമാണ് A Violent Prosecutor.നിയമത്തിന്റെ രക്ഷകര്‍ ആകേണ്ട പലരും പലപ്പോഴും നിയമ ലംഘനം നടത്തുമ്പോഴും ജേ-വുക്ക് എന്ന വക്കീല്‍ ശരിയുടെ ഭാഗത്ത്‌ നില്‍ക്കാന്‍ ശ്രമിക്കുന്നു.അങ്ങനെ ഒരു അവസരത്തില്‍ ആണ് അയാള്‍ ആ കെണിയില്‍ അകപ്പെടുന്നത്.അനധികൃതം ആയി നടക്കുന്ന നിര്‍മാണ പ്രവര്‍ത്തനങ്ങള്‍ക്ക് എതിരെ ജനരോഷം കൂടിയപ്പോള്‍ ഉണ്ടായ പ്രതിഷേധത്തില്‍ ഉണ്ടായ ആക്രമണത്തില്‍ പോലീസുകാര്‍ക്ക് പരിക്കേല്‍ക്കുന്നു.ആ കേസിന്റെ വിവരങ്ങള്‍ അന്വേഷിക്കാന്‍ ആയി ചെന്ന ജേ-വുക്ക് തന്‍റേതായ വഴികളില്‍ നടത്തുന്നു.

എന്നാല്‍ പിറ്റേ ദിവസം പ്രതിയായി പിടിയിലായ യുവാവ് കൊല്ലപ്പെട്ടതായി കാണപ്പെടുന്നു.ജേ-വുക്ക് എന്താണ് സംഭവിച്ചത് എന്ന് മനസ്സിലാകുന്നതിനു മുന്‍പ് തന്നെ പോലീസ് പിടിയില്‍ ആകുന്നു.അസിസ്ടന്റ്റ് പ്രോസിക്യൂട്ടര്‍ ജനറല്‍ ആയ ജോംഗ് ജില് ജേ-വുക്കിന്റെ അഭ്യുദയകാംക്ഷി ആയിരുന്നു.അയാള്‍ പറഞ്ഞതനുസരിച്ച് ഒരു കയ്യബദ്ധം ഉണ്ടായതു ആണെന്ന് പറഞ്ഞാല്‍ കേസില്‍ നിന്നും രക്ഷപ്പെടാം എന്ന ഉപദേശം സ്വീകരിച്ചു ജെ-വുക്ക് അങ്ങനെ കോടതിയില്‍ പറയുന്നു.എന്നാല്‍ ആ കുറ്റ സമ്മതം ജേ-വുക്കിനു എതിരെ ഉള്ള ശക്തമായ തെളിവായി മാറപ്പെടുന്നു.

പതിനഞ്ചു വര്‍ഷങ്ങള്‍ക്കു ശിക്ഷ ലഭിച്ച ജേ-വുക്ക് തന്‍റെ ശിക്ഷാ കാലാവധി സമയം തന്നെ ചതിച്ചവരെയും അന്ന് നടന്ന സംഭവങ്ങളെയും കുറിച്ചുള്ള അന്വേഷണം നടത്തുന്നു .അതിനായി അധികാര സ്ഥാനങ്ങളില്‍ സമീപിക്കണ്ട സ്ഥലങ്ങളില്‍ സ്ഥലങ്ങളില്‍ ജയിലില്‍ നിന്നും തന്നെ സമീപിക്കുന്നു.അതിനിടയ്ക്ക് തട്ടിപ്പ് പരിപാടികള്‍ ആയി നടക്കുന്ന ചി-വോനെ പരിചയപ്പെടുന്നു.ജേ-വുക്ക് ചി-വോനില്‍ നിന്നും ചിലത് മനസ്സിലാക്കുന്നു.തനിക്കു രക്ഷപ്പെടാന്‍ ഉള്ള ചില വഴികള്‍ തെളിയുന്നു.അതിനു ചി-വോനെ തന്റെ തന്ത്രത്തില്‍ പങ്കാളി ആക്കുന്നു.ജേ-വുക്കിന്റെ തന്ത്രങ്ങളും അയാളെ കുരുക്കാന്‍ ശ്രമിച്ചവരെ കണ്ടെത്താന്‍ ശ്രമിക്കുന്നതും ആണ് ബാക്കി ഉള്ള കഥ.സ്ഥിരം കൊറിയന്‍ ചിത്രങ്ങളുടെ അരണ്ട അന്തരീക്ഷം ഒന്നും ഇല്ലെങ്കിലും ഒരു ത്രില്ലര്‍ എന്ന രീതിയില്‍ ആണ് ചിത്രം പോകുന്നത്.

More movie suggestions @www.movieholicviews.blogspot.com

659.WONDERFUL NIGHTMARE(KOREAN,2015)

659.WONDERFUL NIGHTMARE(KOREAN,2015),|Fantasy|Comedy|,Dir:-Kang Hyo-Jin,*ing:-Uhm Jung-Hwa,Song Seung-Heon.

പൊതുവേ കൊറിയന്‍ കോമഡി ചിത്രങ്ങളോട് അത്ര ഇഷ്ടം ഇല്ലെങ്കിലും synopsis വായിച്ചപ്പോള്‍ തോന്നിയ കൌതുകം ആണ് ഈ ചിത്രം കാണാന്‍ പ്രേരിപ്പിച്ചത്.മരണ ദിവസം തെറ്റി ഏറെ വര്‍ഷങ്ങള്‍ക്കു മുന്‍പ് മരിക്കുകയും തെറ്റ് മനസ്സിലായപ്പോള്‍ സ്വര്‍ഗത്തില്‍ നിന്നും തിരിച്ചയക്കപ്പെടുകയും ചെയ്ത യുവതിയുടെ കഥ ആയാണ് ചിത്രം അവതരിപ്പിക്കുന്നത്‌.ഇതിനൊപ്പം തന്നെ ചിത്രം കണ്ടു കഴിയുമ്പോള്‍ ഒരു ഫാന്റസി ചിത്രം തന്നെയാണോ കണ്ടത്?അതോ നേരിട്ട് പറയാത്ത എന്തെങ്കിലും ചിത്രത്തില്‍ ഉണ്ടോ എന്നൊരു സംശയം ഉണ്ടാക്കുകയും ചെയ്യുന്നു.പ്രശസ്ത വക്കീല്‍ ആയിരുന്നു യൂന്‍ വൂ.പലപ്പോഴും തന്റെ വിജയത്തിനായി അവള്‍ ഏതറ്റം വരെ പോവുകയും സമൂഹത്തോട് ഒരു പ്രതിബദ്ധതയും ഇല്ലാത്ത ആള്‍ ആയിരുന്നു.

എന്നാല്‍ ആ രാത്രി അവള്‍ക്കുണ്ടായ അപകടം അവളുടെ മരണത്തിനു കാരണം ആവുകയും സ്വര്‍ഗത്തില്‍ അവളെ എത്തിക്കുകയും ചെയ്യുന്നു.എന്നാല്‍ മരണ കണക്കു എടുക്കുന്ന സ്വര്‍ഗത്തിലെ ജീവനക്കാരന്റെ പിഴവ് മൂലം ആണ് അത് സംഭവിച്ചതെന്ന് മനസ്സിലാകുമ്പോള്‍ അവള്‍ക്ക് ഭൂമിയിലേക്ക്‌ തിരിച്ചുള്ള യാത്ര അവര്‍ നല്‍കുന്നു..എന്നാല്‍ അതിനായി അവള്‍ക്കു അത് പോലെ ഒരു മാസം തെറ്റി മരണപ്പെട്ട യുവതിയുടെ ശരീരത്തില്‍ അവരുടെ കുടുംബത്തോടൊപ്പം കഴിയണം എന്ന നിബന്ധന വയ്ക്കപ്പെടുന്നു.

അപരിചിതമായ ജീവിത സാഹചര്യം,ഭര്‍ത്താവ്,കുട്ടികള്‍ എന്നിവ ഒക്കെ യൂന്‍ വൂവിനു ആദ്യം ബുദ്ധിമുട്ട് ആയിരുന്നു.ഒപ്പം പരിചിതം അല്ലാത്ത സമൂഹവും .എന്നാല്‍ ആ സാഹചര്യങ്ങളെ അവള്‍ എങ്ങനെ നേരിട്ടു എന്നതാണ് ചിത്രം അവതരിപ്പിക്കുന്നത്‌.ഒപ്പം തന്റെ തെറ്റുകളിലൂടെയും ശരികളിലൂടെയും എങ്ങനെ ജീവിത ചിന്താഗതി മാറ്റം എന്നും അവള്‍ക്കുണ്ടായി.ചിത്രത്തിന്റെ അവസാനം ശ്രദ്ധിച്ചാല്‍ ഇതിനു പേരുമായുള്ള ബന്ധം കിട്ടും.ശരിക്കും അവസാന ഒരു പത്തു മിനിറ്റ് സിനിമയെ കൂടുതല്‍ പ്രിയങ്കരം ആക്കും.സിനിമയെ വേറെ ഒരു തലത്തിലേക്ക് തന്നെ മാറ്റും .മലയാളം പോലെ ഉള്ള ഇന്ത്യന്‍ ഭാഷകളിലേക്ക് മാറ്റപ്പെടുതാന്‍ കഴിയുന്ന ഫനറ്സി ചിത്രം ആണ് Wonderful Nightmare.

More movie suggestions @www.movieholicviews.blogspot.com

658.THE PHONE(KOREAN,2015)

658.THE PHONE(KOREAN,2015),|Mystery|Thriller|,Dir:-Kim Bong-Joo,*ing:-Son Hyun-Joo,Uhm Ji-Won.

ഒരല്‍പം നേരത്തെ അന്ന് വീട്ടില്‍ എത്തിയിരുന്നെങ്കില്‍ തന്‍റെ ഭാര്യയുടെ ജീവന്‍ നഷ്ടപ്പെടില്ല എന്ന് ഡോംഗ്-ഹോ കരുതിയിരുന്നിട്ടുണ്ടാകാം.എന്നാല്‍ ഒരു വര്‍ഷത്തിനപ്പുറം സംഭവിച്ചതൊന്നും മാറ്റാന്‍ കഴിവില്ല എന്ന് അയാള്‍ മനസ്സിലാകുമ്പോഴേക്കും അയാള്‍ക്ക്‌ നഷ്ടമായത് തന്റെ മികച്ച ജീവിത സാഹചര്യങ്ങളും അയാളുടെ കുടുംബവും ആയിരുന്നു.എന്നാല്‍ ഒരു വര്‍ഷത്തിനപ്പുറം ഒരു Sun Storm ഉണ്ടാകും എന്ന് പ്രവചിച്ച ദിവസം അയാള്‍ക്ക്‌ ചിലതൊക്കെ മാറ്റാന്‍ ഉള്ള അവസരം ലഭിക്കുന്നു.ഒരു വര്‍ഷത്തിനപ്പുറം ജോലിക്ക് പോകുമ്പോള്‍ ആണ് അയാള്‍ക്ക്‌ ആ ഫോണ്‍ കോള്‍ ലഭിക്കുന്നത്.

ഒരു വര്ഷം മുന്‍പ് അജ്ഞ്ഞതനായ കൊലയാളിയാല്‍ കൊല്ലപ്പെടുന്ന അയാളുടെ ഭാര്യ ആയിരുന്നു മറു വശത്ത്.ആരോ പറ്റിക്കാന്‍ ആണ് വിളിക്കുന്നതെന്ന് കരുതിയ അയാള്‍ക്ക് എന്നാല്‍ ആ വിളി വന്നത് ഒരു വര്ഷം മുന്‍പ് തന്റെ ഭാര്യ ഫോണില്‍ വിളിക്കുന്ന അവസാന നിമിഷങ്ങളില്‍ കൂടി ആണെന്ന് മനസ്സിലാകുമ്പോള്‍ തന്റെ ഭാര്യയെ രക്ഷിക്കാന്‍ ഒരവസരം ലഭിച്ചിരിക്കുന്നു എന്ന് മനസ്സിലാകുന്നു.അതിനായി അയാള്‍ക്ക്‌ ഒരു വര്‍ഷത്തിനു അപ്പുറം ചെയ്യേണ്ട പലതും ഉണ്ട്.2014 ല്‍ ജീവിക്കുന്ന ഭാര്യയും ആയി 2015 ല്‍ ആശയ വിനിമയം നടത്തുന്ന ഭര്‍ത്താവ് എന്നതിലുപരി അന്ന് നടന്ന അജ്ഞാത സംഭവങ്ങള്‍ കൂടി മനസ്സിലാക്കാന്‍ ഉള്ള അവസരം.

ഭാര്യയുടെ മരണത്തിന്റെ വില എന്താണ് എന്ന് മനസ്സിലാകാന്‍ ഉള്ള അവസരം.ഒപ്പം താന്‍ ജീവിക്കുന്ന കാലത്തില്‍ നിന്നും തനിക്കു നേരിടേണ്ടി വരുന്ന വെല്ലുവിളികള്‍.ആകെ മൊത്തം കുഴഞ്ഞ ഒരു അവസ്ഥ.ഫോണിലൂടെ അന്നത്തെ അപകടങ്ങള്‍ അവലോകനങ്ങള്‍ ചെയ്യുന്നതിനോടൊപ്പം പ്രത്യക്ഷ കാലത്തില്‍ അയാള്‍ക്ക്‌ വരുന്ന മാറ്റങ്ങള്‍ പോലും വിഷയം ആയി മാറുന്നു.Butterfly Effect പോലെ ചെറിയ മാറ്റങ്ങള്‍ വരുത്തുന്ന വലിയ മാറ്റങ്ങള്‍.ഇത്തരത്തില്‍ പ്രമേയം ആയ കൊറിയന്‍ സിനിമകള്‍ പലപ്പോഴും രോമാന്സില്‍ ഒതുങ്ങിയപ്പോള്‍ അതിന്റെ അനന്തര സാധ്യതകള്‍ ഈ ചിത്രത്തിലൂടെ ഒരു ത്രില്ലര്‍ ചിത്രം ആയി മാറ്റിയിരിക്കുന്നു.കൊറിയന്‍ സിനിമ സ്നേഹികള്‍ക്ക് ഇഷ്ടം ആകുന്ന ചിത്രം.

More movie suggestions @www.movieholicviews.blogspot.ca

657.THE PIPER(KOREAN,2015)

657.THE PIPER(KOREAN,2015),|Crime|Mystery|,Dir:-Kim Gwang-Tae,*ing:-Ryoo Seung-Ryong,Goo Seung-Hyun,Chun Woo-Hee

ഹാംലിനിലെ കുഴലൂത്തുകാരന്റെ പ്രശസ്തമായ കഥയെ ആധാരമാക്കി നിര്‍മിച്ച കൊറിയന്‍ ചിത്രം ആണ് The Piper.ഒപ്പം കൊറിയന്‍ സിനിമയുടെ കുറേ ചേരുവകകള്‍ കൂടി ചേര്‍ത്തപ്പോള്‍ മികച്ച ചിത്രം ആയി മാറുകയും ചെയ്തു.വിശ്വാസവഞ്ചന ,ചതി എന്നിവയുടെ ഒക്കെ പ്രതീകം ആണ് പ്രത്യക്ഷത്തില്‍ നിശബ്ദം ആയ,നല്ല ആളുകള്‍ ജീവിക്കുന്നു എന്ന് തോന്നിപ്പിക്കുന്ന ആ ഗ്രാമം എന്ന് ഒരിക്കലും വൂ-രയോംഗ് തന്റെ മകന് ചികിത്സ ലഭിക്കാന്‍ ആയി സിയോളിലേക്ക് പോകുന്ന വഴി അവിടെ താമസിക്കാന്‍ തിരഞ്ഞെടുത്തപ്പോള്‍ ഒരിക്കലും കരുതിയിരുന്നില്ല.ഗ്രാമ തലവന്റെ അനുവാദത്തോടെ അവിടെ അയാള്‍ കുറച്ചു ദിവസം താമസിക്കാന്‍ തീരുമാനിക്കുന്നു.

വൂ -രയോംഗ് തന്റെ കുഴലില്‍ നിന്നും വരുത്തിയിരുന്ന മാന്ത്രിക സംഗീതം അയാള്‍ക്ക്‌ ചെറുപ്പത്തില്‍ ജീവിച്ചിരുന്ന സര്‍ക്കസ് കൂടാരത്തില്‍ നിന്നും ലഭിച്ചതാണ്.അയാള്‍ തന്റെ കഴിവുകള്‍ ഉപയോഗിച്ച് ആ ഗ്രാമത്തിലെ എലി ശല്യത്തിന് അറുതി വരുത്താന്‍ ഗ്രാമവാസികളെ സഹായിക്കാം എന്ന് ഏല്‍ക്കുന്നു.ഗ്രാമത്തലവന്‍ അതിനായി വലിയൊരു തുകയും അയാള്‍ക്ക്‌ കൊടുക്കാം എന്ന് ഉറപ്പു നല്‍കുന്നു .സ്വന്തം മകന്റെ ചികിത്സ ചിലവിനും അവനെ സ്ക്കൂളില്‍ വിടാന്‍ ഉള്ള വഴിയും ആയി അതിനെ കാണുന്നു.ചില പുതിയ ബന്ധങ്ങളും അയാള്‍ക്ക്‌ കിട്ടുന്നു.

എന്നാല്‍ താന്‍ വന്നു അകപ്പെട്ടത് ഒരു വന്‍ ചതി കുഴിയില്‍ ആണെന്ന് മനസ്സിലാക്കാന്‍ അയാള്‍ വൈകിയിരുന്നു.ഒരു നിമിഷം കൊണ്ട് വാക്കുകള്‍ വളച്ചൊടിച്ച് കൊറിയന്‍ യുദ്ധം കഴിഞ്ഞിരിക്കുന്ന ആ അവസ്ഥയില്‍ അവര്‍ അയാള്‍ക്ക് തങ്ങളുടെ യഥാര്‍ത്ഥ മുഖം കാണിച്ചു കൊടുക്കുന്നു.വിശ്വാസ വഞ്ചന ഒരു മനുഷ്യനെ കൊണ്ട് സഹിക്കാവുന്നതിലും അപ്പുറത്തുള്ള കാര്യം ആയി മാറുമ്പോള്‍ അത് തന്റെയും ഒപ്പം തനിക്കു പ്രിയപ്പെട്ടവരുടെ ജീവന്റെ വിലയും ആയി മാറുമ്പോള്‍ എന്ത് സംഭവിക്കും എന്നാണ് ഈ ചിത്രം അവതരിപ്പിക്കുന്നത്‌.മനുഷ്യ ശരീരം പോലും ഭക്ഷണം ആക്കുന്ന എലികളില്‍ നിന്നും ഉള്ള അപകടത്തെക്കാളും ഭീതി ദത്തം ആയ അവസ്ഥ.ആ കഥയാണ് The Pipe അവതരിപ്പിക്കുന്നത്‌.ഒപ്പം ആ ഗ്രാമത്തെ ചുറ്റിപ്പറ്റി ഉറങ്ങുന്ന രഹസ്യങ്ങളും.

More movie suggestions @www.movieholicviews.ca

656.KENDASAMPIGE (KANNADA,2015)

656.KENDASAMPIGE (KANNADA,2015),|Thriller|Crime|,Dir:-Duniya Soori,*ing:-Vikky,Manvitha Harish

Sandalwood എന്നറിയപ്പെടുന്ന കന്നഡ സിനിമകള്‍ ഇന്ത്യയിലെ മിക്ക ഭാഷകളിലും മുഖ്യധാര സിനിമ ലോകത്ത് മാറ്റങ്ങള്‍ വന്നപ്പോഴും പഴയക്കാല കോപ്രായ-കൊമേര്‍ഷ്യല്‍ സിനിമകളില്‍ ഒതുങ്ങി.ഒരു കാലത്ത് ഇന്ത്യയിലെ മികച്ച സിനിമകള്‍ വന്നു കൊണ്ടിരുന്ന സിനിമ വ്യവസായം നിലവാര തകര്‍ച്ച നേരിട്ടത് പോലെ തോന്നി.കന്നഡ സിനിമ കാണുന്ന കന്നടക്കാര്‍ പോലും കുറഞ്ഞൂ എന്ന് തോന്നുന്നു.ഉപേന്ദ്രയില്‍ മാത്രം ഒതുങ്ങി പോയത് പോലെ തോന്നി കന്നഡ സിനിമയിലെ വ്യത്യസ്തത.എന്നാല്‍ ലൂസിയയിലൂടെ വന്ന മാറ്റം ശ്രദ്ധേയം ആയിരുന്നു.കന്നഡ സിനിമയുടെ സ്ഥിതി കണ്ടിട്ടാകാം അവിടത്തെ ആളുകള്‍ അധികം കണ്ടില്ലെങ്കിലും മറ്റു മിക്ക ഭാഷകളിലും ശ്രദ്ധേയം ആയി ചിത്രം.Uli Davaru Kandanthe പോലെ ഉള്ള ചില ചിത്രങ്ങള്‍ ഒക്കെ നിലവാരം പുലര്‍ത്തിയിരുന്നു.

Kendasampige എന്ന ചിത്രവും മാറി വന്ന കന്നഡ സിനിമകളുടെ രീതിയില്‍ ആണ് അവതരിപ്പിച്ചിരിക്കുന്നത്.ചിലപ്പോള്‍ ഇതിലെന്ത് പുതുമ ആണെന്ന് ചോദിക്കുമ്പോള്‍ രണ്ടു ഭാഗം ഉള്ള സിനിമയുടെ രണ്ടാം ഭാഗം ആദ്യം അവതരിപ്പിച്ച് ക്ലൈമാക്സും കാണിച്ചു തന്നിട്ട് ആദ്യ ഭാഗം prequel ആയി വരുന്നു എന്നതാണ്. Kaage Bangara എന്ന ആദ്യ ഭാഗം ഈ വര്‍ഷം ഇറങ്ങും.പോലീസുകാരുടെ ഇടയിലെ കുഴപ്പക്കാര്‍ നടത്തുന്ന നിയമലംഘനങ്ങളും അത് കൊണ്ട് ബാധിക്കപ്പെടുന്ന ഒരു യുവാവിന്റെയും അവന്റെ കാമുകിയുടെയും കഥയാണ് ചിത്രത്തില്‍ അവതരിപ്പിക്കുന്നത്‌.ഒട്ടും പ്രതീക്ഷിക്കാതെ വരുന്ന സംഭവങ്ങള്‍ ചില മുന്‍ ധാരണകളെ മാറ്റും.അതാണ്‌ ഈ ചിത്രത്തിലും ഉള്ളത്.

ക്ലൈമാക്സിലും ഇടവേളയിലും അവതരിപ്പിക്കുന്ന കഥാപാത്രം ഈ ഭാഗത്ത്‌ കഥ സംബന്ധിച്ച് വലിയ പ്രാധാന്യം ഇല്ലെങ്കിലും ആദ്യ ഭാഗം വരുമ്പോള്‍ പ്രാധാന്യം ഉള്ള കഥാപാത്രം ആകും എന്ന് ഉറപ്പാണ്.മയക്കു മരുന്നിന്റെ ഇടപാടില്‍ ഉള്‍പ്പെടുന്ന പോലീസുകാര്‍,ധനികന്‍ ആയ കാമുകിയും ദരിദ്രന്‍ ആയ കാമുകനും നല്ലവനായ പോലീസും ഒക്കെ സ്ഥിരം സിനിമ വേഷങ്ങള്‍ ആണെങ്കിലും അവതരണ രീതി പലപ്പോഴും ഈ ചിത്രത്തില്‍ ഒരു കൌതുകം ഉണ്ടാക്കും.A=B,A യും B യും സാധാരണ രീതിയില്‍ സംഭവിക്കാന്‍ സാധ്യത കുറവാണെങ്കിലും A സംഭവിക്കുന്നത്‌ കൊണ്ട് B യും സംഭവിക്കാന്‍ ഉള്ള സാധ്യത ഉണ്ട്. ഈ ഭാഗത്തിലെ പ്രധാന സംഭവങ്ങള്‍ രണ്ടെണ്ണം ആണ് A,B എന്നിവ കൊണ്ട് ഉദ്ദേശിച്ചിരിക്കുന്നത്‌.സിനിമയുടെ പോരായ്മ ആയി തോന്നിയത് പ്രാധാന്യത്തോടെ പറയേണ്ടിയിരുന്ന പല ട്വിസ്ട്ടുകളും വെറുതെ പറഞ്ഞു പോയത് പോലെ തോന്നി.ഒപ്പം ആദ്യ ഭാഗത്തിലേക്ക് പോകാന്‍ ഉള്ള ധൃതിയും.ഒരു സാധാരണ കന്നഡ സിനിമയുടെ നിലവാരം വച്ച് നോക്കുമ്പോള്‍ മോശം അല്ലാത്ത ചിത്രം ആണ് Kendasampige.

More movie suggestions @www.movieholicviews.blogspot.com

655.LIFE IS BEAUTIFUL(ITALIAN,1997)

655.LIFE IS BEAUTIFUL(ITALIAN,1997),|Comedy|Drama|,Dir:-Roberto Benigni,*ing:-Roberto Benigni, Nicoletta Braschi, Giorgio Cantarini .

നാസി ഭീകരത മനുഷ്യ രാശിക്ക് ഏല്‍പ്പിച്ച ആഘാതങ്ങള്‍ പലപ്പോഴും സിനിമകളിലൂടെ അവതരിപ്പിക്കപ്പെട്ടിടുണ്ട്.ശരിക്കും ഒരു പക്ഷെ ആണ് നടന്നേക്കവുന്നതിന്റെ അത്ര തീവ്രത അതെപ്പടി അവതരിപ്പിക്കാന്‍ ആര്‍ക്കും കഴിയും എന്ന് തോന്നുന്നില്ല.Schindler’s List പോലെ ഒക്കെ ഉള്ള ചിത്രങ്ങളെ ഒന്നും മാറ്റി നിര്‍ത്തി അല്ല ഇത് പറയുന്നത്.മരണം യഥാര്‍ത്ഥത്തില്‍ ആ സിനിമ ഫ്രെയിമുകളില്‍ ഉള്ളതിലും ഭീകരം ആകും.ആ ഭീകരതകള്‍ക്ക് അപ്പുറം പ്രതീക്ഷ നല്‍കുന്ന ഒന്നും ഇല്ലാതിരുന്ന ജനതയില്‍ വ്യത്യസ്തന്‍ ആയി മാറിയ ഗിഡോയുടെ കഥയാണ് Life Is Beautiful അവതരിപ്പിക്കുന്നത്‌.

സംവിധായകന്‍ ആയ റോബര്‍ട്ടോ ബെനിനി ആണ് ഈ ചിത്രത്തിലെ നായകകഥാപാത്രം ആയ ഗിഡോയെ അവതരിപ്പിച്ചിരിക്കുന്നത്.ഗിഡോ രസികന്‍ ആയിരുന്നു.അയാളുടെ പ്രണയം,ജീവിതം,പ്രശ്നങ്ങള്‍ എല്ലാം സരസമായി.രസകരമായി നോക്കി കണ്ട ഒരാള്‍.ശരിക്കും അങ്ങനെ ഒരു മനുഷ്യനായി ജീവിക്കുന്നത് ആണ് ഏറ്റവും സുഖം എന്ന് പ്രേക്ഷകന് പലപ്പോഴും തോന്നിപ്പോകും.തന്റെ പ്രണയത്തില്‍ പോലും അയാള്‍ ഈ രീതി ആണ് സ്വീകരിച്ചത്.ഗിഡോ എന്നാല്‍ ഒരു ദിവസം തന്റെ ജീവിതത്തിലെ ഏറ്റവും വലിയ പ്രതിസന്ധിയെ അഭിമുഖീകരിക്കുന്നു.മനുഷ്യനായി ജനിച്ച ആരും പതറി പോകുന്ന നിമിഷം.മനുഷ്യന് നേരെ വന്ന ഏറ്റവും വലിയ ഭീഷണിയുടെ ഇരയാകാന്‍ അയാള്‍ക്കും അയാളുടെ കുടുംബത്തിനും സാഹചര്യം വരുന്നു.ആ അവസ്ഥയെ അയാള്‍ എങ്ങനെ നേരിട്ടു എന്നതാണ് ചിത്രം അവതരിപ്പിക്കുന്നത്‌.

ചെറിയ കള്ളങ്ങള്‍,ഉപദ്രവകരമല്ലാത്ത ചില കള്ളങ്ങള്‍ക്ക്‌ പ്രതീക്ഷകളുടെയും ഒപ്പം അസ്തമിക്കാത്ത പുഞ്ചിരിയുടെയും നിറങ്ങള്‍ നല്‍കാന്‍ സാധിക്കും.ഗിഡോയുടെ കാര്യവും അങ്ങനെ ആയിരുന്നു.അയാളെ ആ കാര്യത്തില്‍ പെരുങ്കള്ളന്‍ എന്ന് വിളിക്കാം.കാരണം ഗിഡോ അതില്‍ സമര്‍ത്ഥന്‍ ആയിരുന്നു.ചിത്രത്തിന്റെ അവസാനം പ്രേക്ഷകന്റെ മനസ്സില്‍ ഉണ്ടാകുന്ന ആ വികാരം ഒരു സിനിമ എന്ന നിലയില്‍ നിന്നും മറ്റെന്തൊക്കെയോ ആയി മാറ്റുന്നു.ചില സിനിമകള്‍ അങ്ങനെയാണ്.രസിപ്പിക്കുക മാത്രമല്ല അവയുടെ ധര്‍മം എന്ന് ചിലര്‍ക്കെങ്കിലും തോന്നിപ്പിക്കും. മികച്ച അഭിനേതാവിനും,മികച്ച വിദേശ ഭാഷ ചിത്രത്തിനും,മികച്ച പശ്ചാത്തല സംഗീതത്തിനും ഓസ്ക്കാര്‍ പുരസ്ക്കാരം ഈ ചിത്രത്തിന് ലഭിച്ചിരുന്നു.ഇറ്റാലിയന്‍ സിനിമയിലെ ഏറ്റവും മികച്ച സിനിമകളില്‍ ഒന്ന് തന്നെയാണ് Life Is Beautiful.

More movie suggestions @www.movieholicviews.blogspot.com

654.ITS’s A WONDERFUL LIFE(ENGLISH,1946)

654.ITS’s A WONDERFUL LIFE(ENGLISH,1946),|Drama|Comedy|Fantasy|,Dir:-Frank Capra,*ing:-James Stewart, Donna Reed, Lionel Barrymore

“ജോര്‍ജ് ബെയ്‌ലിയും നമ്മളും ഇല്ലാത്ത ലോകം”

It’s A Wonderful Life -ജോര്‍ജ് ബെയ്‌ലിയുടെ ജീവിതം തിരശീലയില്‍ വരുമ്പോള്‍ പ്രേക്ഷകനിലേക്ക് ആ കഥ സ്വന്തം കഥയാണ് എന്ന് തോന്നിപ്പിക്കാന്‍ കഴിഞ്ഞ ഫ്രാങ്ക് കാപ്രയുടെ മികച്ച ചിത്രങ്ങളില്‍ ഒന്നാണ്.ജോര്‍ജ് ബെയ്ലി പ്രതിനിധീകരിക്കുന്നത് പലരെയും ആണ്.കുടുംബത്തിനു വേണ്ടി അവര്‍ ആവശ്യപ്പെടാതെയും ആവശ്യപ്പെട്ടും തന്റെ സ്വപ്‌നങ്ങള്‍ ഒക്കെ അവര്‍ക്ക് വേണ്ടി ചിലവക്കിയവന്‍.അതിലും കൂടുതല്‍ പറയാന്‍ ഉണ്ട് ജോര്‍ജ് ബെയ്ലിയെ കുറിച്ച്.വലിയ ലാഭം ഒന്നും ഇല്ലാതെ ആ ചെറിയ പട്ടണത്തിലെ ജനങ്ങളുടെ സ്വന്തമായ ഒരു വീട് എന്ന സ്വപ്നം തന്റെ പിതാവില്‍ നിന്നും തന്റെ തോളത്ത് കയറ്റി അവരുടെ സ്വപ്നങ്ങളെ നില നിര്ത്തിയവാന്‍.

ജോര്‍ജ് ബെയ്ലിയ്ക്ക് ഉണ്ടായിരുന്നത് ഒരേ ഒരു ശത്രു ആയിരുന്നു.ജോര്‍ജിന്‍റെ പ്രവര്‍ത്തികള്‍ തന്റെ ലാഭ വിഹിതത്തില്‍ ഇടിവ് ഉണ്ടാക്കുന്നു എന്ന് മനസ്സിലായ പോട്ടര്‍ ആയിരുന്നു.സമ്പന്നന്‍ ആയിരുന്നെങ്കിലും ആരും ഇല്ലാതെ ജീവിക്കുന്ന ആള്‍,അത് കൊണ്ട് തന്നെ മറ്റുള്ളവരുടെ സന്തോഷത്തോടു അയാള്‍ക്ക്‌ വെറുപ്പ്‌ ആയിരുന്നു.ബെയ്‌ലി കുട്ടിക്കാലം മുതല്‍ ചെയ്ത പ്രവര്‍ത്തികള്‍…നിസാരം എന്ന് തോന്നുന്നവ.എന്നാല്‍ ഒരു ദിവസം ജീവിതത്തിലെ ഏറ്റവും വലിയ പ്രതിസന്ധി അയാള്‍ നേരിട്ടപ്പോള്‍ ഭൂമിയില്‍ നിന്നും ഒരാള്‍ക്ക്‌ വേണ്ടി വരുന്ന പ്രാര്‍ത്ഥനകള്‍ ശ്രദ്ധിച്ച ദൈവം ചിറകുകള്‍ ഇല്ലാത്ത മാലാഖയെ വിളിച്ചു വരുത്തി ബെയ്‌ലിയുടെ അടുക്കലേക്കു അയക്കുന്നു.

ഈ യാത്ര കൊണ്ട് മാലഖയ്ക്കും ബെയലിയ്ക്കും ഗുണം ഉണ്ട്.മാലാഖയ്ക്ക് തന്റെ ഏറ്റവും വലിയ സ്വപ്നം ആയ ചിറകുകള്‍ ലഭിക്കും.ബെയ്‌ലി നശിപ്പിക്കാന്‍ തീരുമാനിച്ച ജീവിതത്തെ കുറിച്ച്,അല്ലെങ്കില്‍ അയാള്‍ ഇല്ലാത്ത ലോകം എങ്ങനെ ഉണ്ടാകും എന്ന് കാണാന്‍ ഉള്ള അവസരവും.തീര്‍ച്ചയായും അതിമനോഹരമായ ഒരു Concept ആണ് ഈ ചിത്രത്തില്‍ അവതരിപ്പിച്ചിരിക്കുന്നത്.നമ്മള്‍ ഇല്ലായിരുന്നെങ്കില്‍ ഈ ലോകം എങ്ങനെ ഉണ്ടാകുമായിരുന്നു എന്നത്.നമുക്ക് ഇപ്പോള്‍ പ്രിയപ്പെട്ടവര്‍,അവരുടെ അവസ്ഥ..അവരുടെ ജീവിതം.തീര്‍ച്ചയായും കാണേണ്ട ചിത്രങ്ങളില്‍ ഒന്നാണ് It’s A Wonderful Life.1947 ല്‍ അഞ്ചു ഓസ്ക്കാര്‍ നാമനിര്‍ദേശം ലഭിച്ച ഈ ചിത്രം concept കൊണ്ട് മാത്രം മികച്ച ചിത്രം ആയി എന്ന് പറയാം.അത്രയ്ക്കും ശക്തമായ Fantasy ചിത്രം ആയിരുന്നു.

More movie suggestions @www.movieholicviews.blogspot.com

653.EL CUERPO/THE BODY(SPANISH,2012)

653.EL CUERPO/THE BODY(SPANISH,2012),|Thriller|Mystery|,Dir:-Oriol Paulo,*ing:-José Coronado, Hugo Silva, Belén Rueda.

രഹസ്യങ്ങള്‍ ചിലപ്പോള്‍ അങ്ങനെയാണ്.രഹസ്യങ്ങള്‍ സൂക്ഷിക്കുന്നു എന്ന് കരുതുന്ന ആള്‍ പോലും അയാള്‍ അറിയാതെ വലിയ രഹസ്യങ്ങള്‍ അയാളെ പിന്തുടരുന്നുണ്ടാകും.ഒരു Thriller/Mystery ചിത്രത്തിന് ചേര്‍ന്ന ഏറ്റവും മികച്ച പ്രമേയങ്ങളില്‍ ഒന്നായിരിക്കും ഇത്.പ്രേക്ഷകന്റെ മുന്നില്‍ ഉള്ള കഥയുടെ പിന്നില്‍ അതിലും ത്രസിപ്പിക്കുന്ന മറ്റൊരു കഥ.അലക്സിന്റെ ഭാര്യ ഹൃദയാഘാതം മൂലം മരിക്കുന്നു.അന്ന് രാത്രി മോര്‍ച്ചറി കാവല്‍ക്കാരന്‍ ആയ ടോറസ് എന്തോ കണ്ടു പേടിച്ചു ഓടി അപകടത്തില്‍പ്പെടുന്നു.അപകടം ഉണ്ടാകുന്നതിനു മുന്‍പ് അയാള്‍ അപകടത്തെ കുറിച്ച് സൂചന നല്‍കിയിരുന്നു.എന്നാല്‍ അത് എന്താണെന്ന് പറയുന്നും ഇല്ല.

പോലീസ് അന്വേഷണം തുടങ്ങി.വിചിത്രമായ ഒരു കാര്യം ആണ് അവര്‍ കണ്ടെത്തിയത്.അന്ന് മരിച്ച മയ്ക്കയുടെ ശവശരീരം മോഷണം പോയിരിക്കുന്നു.സാധാരണ ഗതിയില്‍ അവയവങ്ങള്‍ വില്‍ക്കുന്ന മാഫിയകള്‍ ശവങ്ങള്‍ മോഷ്ടിക്കാറുണ്ട്.എന്നാല്‍ ഇവിടെ അതിനുള്ള സാധ്യത വളരെയധികം കുറവായിരുന്നു.പല കാരണങ്ങള്‍ കൊണ്ടും.മയ്ക്ക സമ്പന്നയായ ബിസിനസ്സുകാരി ആയിരുന്നു.അവരുടെ ഭര്‍ത്താവ് അലക്സ് മായ്ക്കയുടെ ഉടമസ്ഥതയില്‍ ഉള്ള ലാബില്‍ റിസേര്‍ച് നടത്തുന്നു.കേസ് അന്വേഷണം ഏറ്റെടുക്കാന്‍ അന്ന് രാത്രി തന്നെ ഇന്‍സ്പെക്ട്ടര്‍ ജയ്മി പെന വരുന്നു.

അന്വേഷണത്തിന്റെ ആദ്യ ഘട്ടങ്ങളില്‍ ഒരു തെളിവും ഇല്ലാതെ കുഴയുന്ന അന്വേഷണ സംഘത്തിനു ഒന്നും കണ്ടെത്താന്‍ സാധിക്കുന്നില്ല.എന്നാല്‍ കേസില്‍ ചില നിര്‍ണായകമായ തെളിവുകള്‍ കിട്ടുന്നു.ശവശരീരം എവിടെ പോയി?അതോ മയ്ക്കയ്ക്ക് മരണത്തെ അതിജെവിക്കാന്‍ കഴിഞ്ഞോ?കൂടുതല്‍ ഉത്തരങ്ങള്‍ ചിത്രം നല്‍കും.നല്ല മഴ ഉള്ള ഒരു രാത്രിയില്‍ ഇരുണ്ട വെളിച്ചത്തില്‍ നടക്കുന്ന അന്വേഷണങ്ങളും പിന്നെ കഥപാത്രങ്ങളുടെ ഫ്ലാഷ് ബാക്ക് ഒക്കെ ഇത്തരം ഒരു ചിത്രത്തിന് പറ്റിയ മികച്ച പശ്ചാത്തലം ആണ്.Mystery/Thriller സിനിമ പ്രേമികള്‍ കണ്ടിരിക്കണ്ട ചിത്രം ആണ് El Cuerpo!!

More movie suggestions @www.movieholicviews.blogspot.com

652.11.22.63(ENGLISH,2016)

652.11.22.63(ENGLISH,2016),|Mystery|Thriller|Sci-F,Dir:-Various,*ing:-James Franco, Sarah Gadon, George MacKay .

“You fuck with the past, and the past fucks with you.”

ഒരു കാലത്തില്‍ നിന്ന് കൊണ്ട് മറ്റു കാലങ്ങളിലേക്ക് യാത്ര ചെയ്യുന്ന Time Travelling എന്ന concept അതീവ സങ്കീര്‍ണം ആയി തോന്നുമെങ്കിലും ശരിക്കും അത് വിഭാവനം ചെയ്യുന്ന കാര്യങ്ങള്‍ രസകരം ആണ്.പ്രത്യേകിച്ചും തിരുത്തലുകള്‍ ഏറെ സാധ്യമാകും ഈ യാത്രയില്‍.പിഴവ് ഉണ്ടായ ജീവിതത്തിലെ സമയങ്ങള്‍,ദുരന്തങ്ങള്‍ എല്ലാം എഴുതി വച്ച രേഖകളിലൂടെ എത്തി ചേര്‍ന്നാല്‍ ഒരു പക്ഷെ അവയെ മാറ്റാന്‍ സാധിക്കുക എന്നത് ശരിക്കും മനുഷ്യനെ സംബന്ധിച്ച് വലിയ കാര്യം ആണ്.ഒരു പക്ഷെ ലോകത്തിന്റെ ഇന്നുള്ള ഗതി പോലും മാറാവുന്ന ഒന്ന്.

അമേരിക്കയില്‍ 22 നവംബര്‍ 1963 എന്ന തീയതി അവരെ സംബന്ധിച്ച് വളരെ പ്രധാനപ്പെട്ട ഒരു ദിവസം ആണ്.അവരുടെ ജനകീയന്‍ ആയ പ്രസിഡന്‍റ്മാരില്‍ ഒരാള്‍ ആയിരുന്നു John Fitzgerald “Jack” Kennedy ഒസ്വാള്‍ടിന്റെ തോക്കില്‍ നിന്നും ഉതിര്‍ന്ന വെടിയുണ്ടയില്‍ കൊല്ലപ്പെടുന്നത് ആ ദിവസം ആണ്.പലരും വിശ്വസിക്കുന്നത് അന്ന് ആ കൊലപാതകം നടന്നിരുന്നില്ലെങ്കില്‍ ലോകം വേറെ ഒന്നായി മാറിയേനെ എന്നാണു.സ്റ്റീഫന്‍ കിംഗ് എഴുതിയ നോവല്‍ ആയ 11.22.63 ആ പ്രമേയത്തെ ആസ്പദം ആക്കിയാണ്.ആ നോവല്‍ ടി വി മിനി സീരിയല്‍ ആയി മാറി.ജേക് എപ്പിംഗ് എന്ന അദ്യാപകന്‍ അയാളുടെ സുഹൃത്തായ Al Templeton ല്‍ നിന്നും ടൈം ട്രാവല്‍ സാധ്യമാകുന്ന ഒരു വഴി മനസ്സിലാക്കുന്നു.പലപ്പോഴും Templeton നടത്തിയ യാത്രയുടെ ലക്‌ഷ്യം പൂര്‍ത്തീകരിക്കാന്‍ ജേക്കിനോട് അയാള്‍ ആവശ്യപ്പെടുന്നു.1960ലേക്ക് ടൈം ട്രാവല്‍ ചെയ്തു പോയി 1963 ല്‍ നടന്ന JFK യുടെ കൊലപാതകം തടയാന്‍ ജേക്കിനോട് ആവശ്യപ്പെടുന്നു.

ജേക് കാലങ്ങള്‍ പുറകോട്ടു സഞ്ചരിച്ച് JFK യുടെ കൊലപാതകം തടയാന്‍ നടത്തുന്ന യാത്ര ആണ് 8 എപിസോഡ് ഉള്ള ഈ ടി വി മിനി സീരീസില്‍ അവതരിപ്പുക്കുന്നത്.കാലം പിന്നിലോട്ടു പോയി കാര്യങ്ങള്‍ മാറ്റുമ്പോള്‍ അതിന്റെ പ്രതിഫലനം കാലങ്ങളില്‍ മാറ്റം ഉണ്ടാക്കും.ആ സംഭവങ്ങള്‍ ആണ് സീരീസില്‍ അവതരിപ്പിക്കുന്നത്‌.രാഷ്ട്രീയം ആയ കാര്യങ്ങള്‍ പ്രതിപാദിക്കുന്ന,JFK മരിച്ചില്ലായിരുന്നെങ്കില്‍ ലോകം എങ്ങനെ ആകും എന്ന് അവസാനം കാണിക്കുന്നുണ്ട് സ്റ്റീഫന്‍ കിംഗിന്റെ കാഴ്ച്ചപ്പാടില്‍.JFK യുടെ മരണത്തിലെ വിവാദങ്ങള്‍ എക്കാലവും നില നില്‍ക്കുമ്പോള്‍ ഫിക്ഷണല്‍ രീതിയില്‍ അവതരിപ്പിച്ച ഈ മിനി സീരീസ് നന്നായി തോന്നി.ജേക് ആയി ജെയിംസ് ഫ്രാങ്കോ ആണ് അഭിനയിച്ചത്.അഞ്ചോളം സംവിധായകര്‍ ആണ് ഈ 8 എപിസോഡുകള്‍ അവതരിപ്പിച്ചത്.ജെയിംസ് ഫ്രാങ്കോയും അവരില്‍ ഒരാള്‍ ആയിരുന്നു.

More movie suggestions @www.movieholicviews.blogspot.com