Movieholic Views

1094.Yesterday(English,2019)

1094.Yesterday(English,2019)
Fanatasy,Romance

വെറും 12 നിമിഷത്തിൽ ലോകം മാറി എന്നു കരുതുക.അതായത്,നമുക്ക് പ്രിയപ്പെട്ടവ ആയിരുന്ന പലതും ലോകത്തിൽ ഉണ്ടായിരുന്നതായി പോലും ഓർമ ഇല്ല.ഉദാഹരണത്തിന് നമ്മുടെ ഇഷ്ട സിനിമകൾ,കഥകൾ,പാട്ടുകൾ,പ്രണയം അങ്ങനെ പലതും.ആ അവസ്ഥ ഉറപ്പായും ഒരു ശൂന്യത സൃഷ്ടിക്കും.ഒരു പക്ഷെ ന്യൂ ഡൽഹി, രാജാവിന്റെ മകൻ, കമ്മീഷണർ,രാംജി റാവു സ്പീക്കിങ് പോലെ അനേകം സിനിമകളിൽ ഏതെങ്കിലും ഒക്കെ ഒരു മലയാളി പ്രേക്ഷകൻ എന്ന നിലയിൽ ഉണ്ടായിരുന്നതായി പോലും ഭൂരിപക്ഷം ആളുകൾക്കും ഓർമ ഇല്ല എന്നിരിക്കട്ടെ.ആ സാഹചര്യത്തിൽ ഈ സിനിമയും അതിന്റെ കഥയും നമ്മളിൽ ഒരാൾക്ക് മാത്രം ഓർമ ഉണ്ടെങ്കിലോ?

സാധ്യതകൾ ഏറെ ആണ്.അതു ഓര്മയുള്ള ആളുടെ അഭിരുചി അനുസരിച്ചു.സിനിമ മോഹം തലയ്ക്കു പിടിച്ച ആളാണെങ്കിൽ?

ഡാനി ബോയ്‌ൽ സംവിധാനം ചെയ്ത Yesterday ഈ പ്രമേയത്തെ ആസ്പദമാക്കിയാണ് അവതരിപ്പിച്ചിരിക്കുന്നത്.ഒരു ചെറിയ ടൈം ഷിഫ്റ്റ് ലോകത്തിനു പല കാര്യങ്ങൾക്കും ഒപ്പം നഷ്ടമാക്കിയത് ബീറ്റിൽസ് എന്ന അനശ്വര ബാൻഡിനെ ആണ്.എന്നാൽ അവയുടെ പാട്ടുകൾ ഓർമ ഉള്ള ഒരാൾ ഉണ്ടായിരുന്നു.പാടാൻ കഴിവുണ്ടായിരുന്നിട്ടും തീരെ ശ്രദ്ധിക്കപ്പെടാതെ പോയ ജാക് മാലിക് എന്ന ഏഷ്യയിൽ നിന്നും കുടിയേറിയ മാതാപിതാക്കളുടെ മകൻ..ബീറ്റിൽസില്ലാത്ത ലോകത്തിന്റെ ശൂന്യത മാറ്റാൻ അവൻ തയ്യാറായി.പക്ഷെ,അതു സ്വന്തം കാര്യത്തിന്ധ് വേണ്ടി മാത്രം ആയിരുന്നു എന്നതാണ് സത്യം.

ഒരു ടൈം ഷിഫ്റ്റിൽ ലോകത്തിനു പലതും നഷ്ടം ആയപ്പോൾ ജാക് മാലിക് ഏറെ നേടി.അയാളുടെ കഥയാണ് Yesterday.ഒരു പക്ഷെ അവസാനം വരെ ആ ടൈം ഷിഫ്റ്റിൽ കുറച്ചും കൂടി ശ്രദ്ധ കേന്ദ്രീകരിച്ചിരുന്നെങ്കിൽ എന്നു തോന്നി പോയി.പകരം ഒരു സാധാരണ സിനിമയായി അവസാനിച്ചത് പോലെ ആണ് തോന്നിയത്.പക്ഷെ ഒന്നുണ്ട്.ചിത്രത്തിന്റെ സംഗീതം.എഡ് ഷീറാൻ പോലെ ഉള്ള ഗായകരുടെ സ്‌ക്രീൻ ടൈം,സിനിമയിലെ പാട്ടുകൾ.ബീറ്റിൽസിന്റെ പ്ളേലിസ്റ്റ് ഇട്ടു പാട്ടു കേൾക്കുന്നത് പോലെ തോന്നി.ഡാനിയുടെ സിനിമകളുടെ മികവ് അതു പോലെ ഇല്ലെങ്കിലും പ്രമേയത്തിലെ സാധ്യതകളെ കുറിച്ചു ചിന്തിക്കുവാൻ ആഗ്രഹം ഉള്ളവർക്ക് കാണാം.

More movie suggestions @www.movieholicviews.blogspot.ca

ചിത്രത്തിന്റെ ലിങ്ക്: t.me/mhviews

1093.Midsummer’s Equation(Japanese,2013)

1093.Midsummer’s Equation(Japanese,2013)
Mystery,Drama.

അപകടകരമായ സാഹചര്യത്തിൽ മരിച്ച മുൻ കുറ്റാന്വേഷണ ഉദ്യോഗസ്ഥൻ ആയ ഷുകാഹാര ആ ഹോട്ടലിൽ അതിഥി ആയിരുന്നു.മനോഹരമായ കടൽ തീരത്തിന്റെ അടുത്തുള്ള ഒരു ഹോട്ടൽ.അവിടെ മനാബു യുകാവയും ഉണ്ട്.ഓർമയില്ലേ ആളെ?ജാപ്പനീസ് കുറ്റാന്വേഷണ സിനിമകളിലെ ക്ളാസിക്കുകളിൽ ഒന്നായ Suspect X ൽ കീഗോ ഹികാശിനോ അവതരിപ്പിച്ച ഗലീലിയോയെ?ശാസ്ത്രീയമായ അനുമാനങ്ങളിൽ നിന്നും കുറ്റാന്വേഷണം നടത്തുന്ന ഒരു പക്ഷെ ജാപ്പനീസ് ഷെർലോക് ഹോംസ് എന്നു വിളിക്കാവുന്ന കഥാപാത്രം.Midsummer’s Equation ഉം ആ സാഹചര്യങ്ങളിൽ തന്നെ ആണ് ഒരുക്കിയിരിക്കുന്നത്.

വ്യക്തിപരമായി ഓരോരുത്തർക്കും രഹസ്യങ്ങൾ ഉള്ള കുടുംബം.വരെ സങ്കീർണമായ കഥയാണ് അവരുടേത്.ഈ മരണവും ആയി അവരെ ബന്ധിപ്പിക്കുന്ന എന്തോ ഉണ്ടെന്നു മനാബു വിശ്വസിക്കുന്നു.എന്നാൽ സാഹചര്യങ്ങളുടെ അനുമാനത്തിൽ അതിന് അധികം പ്രസക്തി ലഭിക്കുന്നില്ല.പ്രത്യേകിച്ചും അപകട മരണം ആണെന്നുള്ള നിഗമനത്തിൽ പോലീസ് എത്തി ചേരുന്നതിനാൽ.എന്നാൽ വലിയ ഒരു കഥ നമ്മളെ പ്രേക്ഷകന് എന്ന നിലയിൽ കാത്തിരുപ്പുണ്ട്.വർഷങ്ങൾക്കു മുൻപ് നടന്ന ഒരു കഥ.ആ കഥ അറിയണം.അതിലെ കഥാപാത്രങ്ങളെ മനസ്സിലാകണം.എങ്കിൽ,പ്രേക്ഷകനെ കാത്തിരിക്കുന്നത് മികച്ച ഒരു കുറ്റാന്വേഷണ ഡ്രാമ ആണ്.

കീഗോ ഹികാശിനോ ജാപ്പനീസ് എഴുത്തുകാരിൽ ഒരു ഇതിഹാസം ആണെന്ന് തോന്നിയിട്ടുണ്ട്.പ്രത്യേകിച്ചും കഥാപാത്രങ്ങളുടെ അവതരണത്തിൽ ഉള്ള ആഴം.ഇത്രയും മികച്ച രീതിയിൽ ശാസ്ത്രീയമായി അടിത്തറ നൽകി,വൈകാരികമായ പരിസരങ്ങളിൽ കഥ അവതരിപ്പിക്കാൻ ഉള്ള മിടുക്കു പ്രശംസനീയം ആണ്.എന്റെ പ്രിയപ്പെട്ട എഴുത്തുകാരിൽ ഒരാളാണ് അദ്ദേഹം.കൂടുതലും സിനിമകളിലൂടെ ആണ് അദ്ദേഹത്തിന്റെ കഥാപാത്രങ്ങളെ പരിചയപ്പെട്ടത് എങ്കിലും.

Suspect X ന്റെ sequel എന്നു പറയാവുന്ന Midsummer’s Equation മികച്ച ജാപ്പനീസ് കുറ്റാന്വേഷണ സിനിമകളിൽ ഒന്നാണ്.കാണുക!!

More movie suggestions @www.movieholicviews.blogspot
ca

ചിത്രത്തിന്റെ ടെലിഗ്രാം ചാനൽ ലിങ്ക്:t.me/mhviews

1091.Oru Kuprasidha Payyan(Malayalam,2018)

ആരും ചോദിക്കാനോ അന്വേഷിക്കാനോ ഇല്ലാത്ത ഒരാളെ കേസിൽ കുടുക്കിയാൽ പ്രത്യേകിച്ചു പ്രശ്നം ഒന്നുമില്ല എന്നും കേസ് തെളിഞ്ഞത് തന്റെ ജോലിയിൽ ഒരു നേട്ടം ആകും എന്നു കരുതി കാണും അന്വേഷണ സംഘത്തിലെ ഉദ്യോഗസ്ഥർ.കാരണം അത്രയ്ക്കും ഉണ്ടായിരുന്നല്ലോ അന്വേഷണ ഉദ്യോഗസ്ഥരുടെ മേൽ ഉള്ള സമ്മർദ്ദം.അവരുടെ profiling നു ചേരുന്ന ഒരാളെ പ്രതിയായി മുന്നിൽ കാണാൻ കഴിഞ്ഞപ്പോൾ ഒന്നും നോക്കിയില്ല.അയാൾ ആയി കൊലപാതകി.ഒറ്റയ്ക്ക് താമസിച്ചിരുന്ന ഒരു സ്ത്രീയുടെ കൊലപാതകി.

“ഒരു കുപ്രസിദ്ധ പയ്യൻ” എന്ന ചിത്രത്തിലെ അജയൻ യഥാർത്ഥത്തിൽ ഉള്ള ജയേഷ് ആണെന്നുള്ള അവസ്ഥ വച്ചു നോക്കുമ്പോൾ ആണ് റീൽ ലൈഫും റിയൽ ലൈഫും തമ്മിൽ എത്ര മാത്രം ബന്ധം ഉണ്ടെന്നു മനസ്സിലാവുക.ഒരു അഭിമുഖത്തിൽ വായിച്ചിരുന്നു യഥാർത്ഥ സംഭവങ്ങളും ആയുള്ള ബന്ധം.”അമ്മിണി പിള്ള കൊലക്കേസ്” എങ്ങനെ ആണ് ക്രൈം ബ്രാഞ്ച് കണക്കിലെടുത്തതെന്നു ഇപ്പോഴും പ്രതികളെ കിട്ടാത്ത കേസ് ആയി അവശേഷിക്കുമ്പോൾ മനസ്സിലാകും.

ടോവിനോ ഈ വേഷത്തിന് ഇൻട്രോയിലെ കാളയെ മലർത്തിയടിക്കുന്ന സീനിൽ,ജയിൽ ഫൈറ്റിൽ ഒക്കെ തിളങ്ങിയെങ്കിലും ഒരു പാവത്താൻ ഇമേജ് തീരെ യോജിച്ചില്ല.ഇടയ്ക്കുള്ള അഭിനയം കണ്ടപ്പോൾ ഇനി അജയൻ ആണോ കൊലപാതകി എന്നു പ്രേക്ഷകൻ സംശയിച്ചു പോലും സംശയിച്ചു പോകും.ഞാൻ ശരിക്കും ക്ളൈമാക്‌സ് ഒക്കെ കഴിഞ്ഞു ഒരു കള്ള ചിരിയോടെ എല്ലാവരെയും പറ്റിച്ചേ എന്ന ഭാവത്തിൽ നിൽക്കുന്ന സൈക്കോ ആയ അജയനെ ആണ് പ്രതീക്ഷിച്ചതും.എന്നാൽ അതാണോ ചിത്രം പറയാൻ ശ്രമിച്ചത് എന്നു ചോദിച്ചാൽ ഗൗരവപൂര്ണമായ ഒരു സാമൂഹിക പ്രശ്നം ആണെന്ന് പറയേണ്ടി വരും.ആരും ഇല്ലാത്തവന്റെ മേൽ ഉള്ള അധികാര ശക്തി നിയമപാലകർ ഉപയോഗിച്ചു എന്നതാണ്.നിമിഷയുടെ വക്കീൽ വേഷം,ദുര്ബലയിൽ നിന്നും സീനിയറിന്റെ മുന്നിൽ ജയിക്കാൻ ഉള്ള ആഗ്രഹം പോലുള്ള സിനിമാറ്റിക് ഘടകങ്ങളിലൂടെ ചിത്രത്തിന്റെ പ്രധാന ഭാഗമായി മാറി.

മൊത്തത്തിൽ നോക്കിയാൽ തരക്കേടില്ലാത്ത ഒരു കോർട്ട് റൂം ഡ്രാമ എന്നു പറയാം ചിത്രത്തെ കുറിച്ചു.തമിഴ് ചിത്രം “വിസാരണയ്” യുടെ ഒപ്പം ഒക്കെ വരാൻ ഉള്ള കാലിബർ പ്രമേയപരമായി ഉണ്ടായിരുന്നെങ്കിലും അത്രയ്ക്കൊന്നും ശ്രമിച്ചില്ല മധുപാലും കൂട്ടരും എന്നു തോന്നി പോയി സിനിമ അവസാനിക്കുമ്പോൾ.എങ്കിൽക്കൂടിയും നേരത്തെ പറഞ്ഞതു പോലെ തരക്കേടില്ലാത്ത ചിത്രം തന്നെയാണ് “ഒരു കുപ്രസിദ്ധ പയ്യൻ”.

More movie suggestions @www.movieholicviews.blogspot.ca

1090.Chernobyl(English,2019)

1090.Chernobyl(English,2019)
Miniseries

ഒരു മിനി സീരീസ് ,അതും മനുഷ്യരാശിയിലെ തന്നെ ഏറ്റവും കൂടുതൽ നാളുകൾ പ്രത്യാഘാതങ്ങൾ ഉണ്ടാക്കാവുന്ന ഒരു ദുരന്തത്തിന്റെ കഥ ഒരു ത്രില്ലർ ആയി മാറിയത് ആണ് Chernobyl ന്റെ കാഴ്ചയിൽ പ്രേക്ഷകനെ ആകർഷിക്കുന്ന ഏറ്റവും പ്രധാന ഘടകം.റഷ്യൻ-അമേരിക്ക സൗന്ദര്യപിണക്കത്തിലെ പുതിയ അധ്യായങ്ങളിൽ ഒന്നു തുടങ്ങേണ്ട അവസ്ഥയിൽ വരെ എത്തിയിരുന്നു Chernobyl പരമ്പര HBO ബ്രോഡ്കാസ്റ്റ് ചെയ്തപ്പോൾ.പ്രത്യേകിച്ചും കമ്യൂണിസ്റ്റ് ഭരണ പ്രദേശം ആയിരുന്ന സോവിയറ്റ് റഷ്യയിലെ ഭരണകൂടത്തിന്റെ ഈഗോ ഈ ദുരന്തത്തിൽ എത്ര മാത്രം സ്വാധീനം ഉണ്ടാക്കി എന്നുള്ള കാഴ്ച്ചകൾ ഒക്കെ രാഷ്ട്രീയമായി പല ചർച്ചകൾക്കും വിധേയമായി.

എന്തായാലും രാഷ്ട്രീയം മാറ്റി വച്ചാൽ ഒരു വലിയ ദുരന്തം,അതും ഒരിക്കലും പ്രതീക്ഷിക്കാത്ത മനുഷ്യ നിർമിതമായ ഒന്നിന്റെ കഥയാണ്. തുടക്കം മുതൽ Core നു കേടു വന്നൂ എന്നു ജീവനക്കാർ പറയുമ്പോൾ അസിസ്റ്റന്റ് ചീഫ് എൻജിനീയർ Dyatlov പുച്ഛത്തോടെ അവരോടു സംസാരിക്കുകയും അവരുടെ ജോലിയ്ക്ക് വരെ ഭീഷണി ആവുകയും ചെയ്യുന്നുണ്ട്.ഭയങ്കര ക്രൂരനായ ഒരു വില്ലൻ.ഒരു പക്ഷെ വിഷയത്തിന്റെ പ്രാധാന്യം കൊണ്ടു കൂടി ആകണം ആ കഥാപാത്രം പോലെ നെഗട്ടീവ് ആയ ഒന്നു കണ്ടെത്താൻ തന്നെ പ്രയാസമാണ്.ചെകുത്താന്റെ പ്രതിരൂപം എന്നൊക്കെ ആലങ്കാരികമായി പറയാവുന്ന ഒന്നു.ക്ളൈമാക്സിലെ ദുരന്തത്തിന്റെ കാരണം അവതരിപ്പിക്കുന്ന രംഗങ്ങൾക്ക് വലിയ ഒരു രഹസ്യം അനാവരണം ചെയ്യുന്ന പ്രതീതി ആയിരുന്നു.

ഒരിക്കലും ഒരു ഹിസ്റ്റോറിക്കൽ ഡ്രാമ കാണുന്ന മൂഡ് അല്ലായിരുന്നു Chernobyl നു ഉണ്ടായിരുന്നത്.ഭയപ്പെടുത്തുന്ന പശ്ചാത്തല സംഗീതം.കഥാപാത്രങ്ങളുടെ deep study യും കൂടി ചേർന്നപ്പോൾ നന്മ-തിന്മകളുടെ അവതരണ രൂപമായ നായക-വില്ലൻ കഥാപാത്രങ്ങൾ കൂടി ആയി.

ഓരോ എപ്പിസോഡും ഒരു മിസ്റ്ററി ത്രില്ലർ കാണുന്ന പോലെ ആയിരുന്നു ആദ്യ കുറച്ചു സമയം കണ്ടത് മുതൽ.ഇഷ്ടപ്പെട്ട സീരീസുകളുടെ കൂട്ടത്തിൽ,ക്ലാസിക് പദവി ഇപ്പൊ തന്നെ വന്നു കഴിഞ്ഞ Chernobyl എന്നും ഉണ്ടാകും.ഒരു പക്ഷെ ഏറ്റവും ഇഷ്ടപ്പെട്ട സീരീസ് തന്നെ ആയി.

More suggestions @www.movieholicviews.blogspot.ca

ലിങ്ക് ടെലിഗ്രാം ചാനലിൽ ലഭ്യമാണ്:t.me/mhviews

1089.Thagaraaru(Tamil,2013)

1089.Thagaraaru(Tamil,2013)
Mystery,Thriller.

ഒറ്റ ചോദ്യത്തിന് ആണ് ഉത്തരം വേണ്ടത്.സ്വന്തം കൂടപ്പിറപ്പുകളെ പോലെ ഉള്ള സൗഹൃദം.അതിൽ 4 കൂട്ടുകാർ.അനാഥരായ അവർക്ക് ഉള്ള അച്ഛനും,അമ്മയും,സഹോദരനും,സഹോദരിയും എല്ലാം പരസ്പ്പരം അവർ തന്നെയാണ്.പക്ഷെ അവരിൽ ഒരാൾ ഇന്നില്ല.കാരണങ്ങൾ പലതാകാം.കൊലയാളിയും പലരാകാം.പക്ഷെ ആരാണ്?ചോരക്കളി ആണ് മൊത്തം.ഒപ്പം ഒരു പ്രണയക്കഥയും.

മധുരയുടെ പശ്ചാത്തലത്തിൽ കള്ളന്മാരായ നാലു യുവാക്കളുടെ കഥ ആണ് ചിത്രം.കൂട്ടത്തിൽ ഒരുത്തനെ തൊട്ടാൽ ഒന്നും നോക്കാതെ ടൂൾസ് എടുക്കുന്ന ടൈപ്പ് ആളുകൾ.അതിൽ ഒരാൾക്ക് ഒരു പെണ്ണിനോട് പ്രണയം തോന്നി.പക്ഷെ അവർ ദിവസവും പ്രശ്നങ്ങളെ പുതപ്പായി ധരിക്കുന്നവർ ആയതു കൊണ്ട് ആകാം അവർ അതിനെ ഒക്കെ അതിജീവിച്ചു.പക്ഷെ അപ്പോഴാണ്…

തമിഴിലെ മിസ്റ്ററി/ത്രില്ലർ സിനിമകളുടെ സ്ക്രിപ്റ്റുകൾ തിരഞ്ഞെടുത്തു ചെയ്യുന്ന അരുൾ നിധിയുടെ 2013ലെ ചിത്രമാണ് “തകരാറു”.ഇപ്പോഴത്തെ തമിഴ് സിനിമയുടെ “New Wave” ന്റെ തുടക്ക സമയം ആണ് ചിത്രം വരുന്നത്.വെങ്കട് പ്രഭു സിനിമകൾ,സുബ്രഹ്മണ്യപുരം പോലെ ഉള്ള സിനിമകളിലൂടെ വേറെ ഒരു തരം നായക കഥാപാത്രങ്ങൾ,വയലൻസ് ഒക്കെ ചേർന്നു വന്ന സമയത്തിന്റെ തുടർച്ച.വിരളമായിരുന്നു എങ്കിലും സിനിമകൾ വരുന്നുണ്ടായിരുന്നു സ്ഥിരം കൊമേർഷ്യൽ സിനിമകൾ കൂടാതെ.ആ സമയം നിരൂപക പ്രശംസ കിട്ടിയെങ്കിലും തിയറ്ററിൽ ശരാശരി ആയതു കൊണ്ട് കാണാൻ തോന്നിയില്ല ഈ സിനിമ.എന്നാൽ കഴിഞ്ഞ ദിവസം “സിദ്ദിഖ് ഹസൻ” ന്റെ നിരൂപണത്തിൽ കണ്ടപ്പോൾ ആണ് ഓർമ വന്നത് ഈ ചിത്രം.ഇന്ന് കണ്ടൂ.

ഇന്ന് തമിഴ് സിനിമ അങ്ങു വലിയ യാത്രകൾ നടത്തുമ്പോൾ”തകരാറു” എത്ര മാത്രം പ്രേക്ഷകനെ ഇഷ്ടപ്പെടുത്തും എന്നു ചിന്തിക്കുന്നില്ല.പക്ഷെ അരുൾ നിധിയുടെയും,ഷംനയുടെയും ഒക്കെ മികച്ച പ്രകടനങ്ങൾ.എന്നാൽ സുലിൽ കുമാറിന്റെ കഥാപാത്രത്തോട് കുറച്ചു ഇഷ്ടം കൂടുതൽ തോന്നി.കണ്ടു നോക്കൂ “തകരാറു”.ഇഷ്ടപ്പെടുമായിരിക്കും..

More movie suggestions and Telegram channel link available in http://www.movieholicviews.blogspot.ca

t.me/mhviews

1087.The Investigator(Hungarian,2008)

1087.The Investigator(Hungarian,2008)
Mystery

“Perfect Crime എന്നൊന്ന് ഉണ്ടോ?”

അയാളുടെ അമ്മയ്ക്ക് കാൻസർ ആണ്.മരിക്കാറായി കിടക്കുന്നു.സ്വീഡനിലെ സന്നദ്ധ സംഘടനയുടെ സഹായം പ്രതീക്ഷിച്ചിരുന്നെങ്കിലും അതു ലഭിക്കുന്നില്ല.അപ്പോഴാണ് അയാൾക്ക്‌ ഒഴിവാക്കാൻ പറ്റാത്ത ഒരു ഓഫർ ലഭിക്കുന്നത്.Cyclops!!അജ്ഞാതനായ ആ കഥാപാത്രത്തെ നായകൻ വിളിക്കുന്നത് അങ്ങനെ ആണ്.Cyclops ,അയാളോട് ഒരാളെ വധിക്കുവാൻ ആവശ്യപ്പെടുന്നു.പ്രത്യുപകാരമായി അമ്മയുടെ ചികിത്സയ്ക്കുള്ള പണം നൽകാം എന്നതായിരുന്നു വാഗ്‌ദാനം.സ്വാഭാവികം ആയും അയാൾ അതിനു സമ്മതിക്കുന്നു..

പക്ഷെ??അയാൾ വിചാരിച്ചത് പോലെ അല്ലായിരുന്നു കാര്യങ്ങൾ.ഒരിക്കലും അയാൾ സ്വപ്നത്തിൽ പോലും പ്രതീക്ഷിക്കാത്ത സംഭവങ്ങൾ ആണ് നടക്കുന്നത്.

Perfect Crime എന്നൊന്ന് ഉണ്ടോ എന്ന് പലരും പലപ്പൊഴുമായി ചർച്ച ചെയ്യുന്ന ഒന്നാണ്.ഒരു കുറ്റകൃത്യം പിടിക്കപ്പെടുമ്പോൾ അതിലെ Perfect Crime എന്ന element അപ്രത്യക്ഷമാകുന്നു.തെളിയിക്കപ്പെടാത്ത കുറ്റകൃത്യങ്ങൾ എത്ര മാത്രം ഉണ്ടാകും എന്നത് അനുസരിച്ചിരിക്കും വിജയ സാധ്യതകൾ.ഒരിക്കൽ എങ്കിലും ദുരൂഹതയുടെ പിന്നിലെ രഹസ്യം പുറത്തു വരുമ്പോൾ അതു Perfect Crime അല്ലാതെ ആയി മാറുന്നു എന്നതാണ് സത്യം.ഒരാൾക്ക് മറ്റൊരാളെ പരിചയമില്ല.അയാളെ കൊന്നാൽ,ഒരു പക്ഷെ ആ സീനിൽ പോലും പൊലീസിന് മുന്നിൽ വരുന്നില്ലെങ്കിൽ അയാളുടെ നേരെ സംശയം പോകില്ല എന്നതാണ് വാസ്തവം!

ഇവിടെ അസിസ്റ്റന്റ് Pathologist ആയ റ്റിബോർ മൽക്കോവ് ആണ് ജീവിതത്തിലെ പുതിയ സമസ്യയുടെ മുന്നിൽ പെട്ടു നിൽക്കുന്നത്.സാമൂഹിക ജീവിതം ഇല്ലാത്ത ഒരു മനുഷ്യൻ.അയാളുടെ ജീവിതത്തിലേക്ക് കുറെയേറെ കഥാപാത്രങ്ങൾ കടന്നു വരുകയാണ്.പലരെയും അയാൾ അന്വേഷിച്ചു പോകുന്നു എന്ന് പറയുന്നതാകും ശരി.അയാൾക്ക്‌ അറിയാനായി കുറെ കാര്യങ്ങൾ ഉണ്ടായിരുന്നു.അതിനായി അയാൾ ഒരു കുറ്റാന്വേഷകൻ(????) ആയി മാറുന്നു!!

ഹംഗേറിയൻ ക്രൈം ചിത്രങ്ങളിലെ മികച്ച ഒന്നായി നിരൂപകർ കരുതുന്നു ഈ ചിത്രം.താല്പര്യം ഉള്ളവർ കാണുക.

More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ലിങ്ക് t.me/mhviews

1086.Game Over(Tamil,2019)

1086.Game Over(Tamil,2019)
Thriller,Mystery.

അജ്ഞാതനായ കൊലയാളി!!അയാൾ തന്റെ ഇരകളെ കൊലപ്പെടുത്തുന്ന രീതി ഭയാനകമാണ്.തലയറുത്തു പിന്നീട് ചാരം മാത്രം അവശേഷിപ്പിക്കുന്ന രീതിയിൽ മൃതദേഹം തീ കൊളുത്തുന്നു.ചെന്നൈ നഗരത്തിൽ ധാരാളം കൊലപാതകങ്ങൾ ഈ രീതിയിൽ നടക്കുന്നു.കൂടുതലും യുവതികളാണ് ഇരകൾ.കൊലപാതകങ്ങൾ സ്ഥിരം വാർത്ത ആകുമ്പോഴും ഒരു സ്ത്രീ എവിടെയോ നിന്നുള്ള ഓർമകളും ആയി ജീവിക്കുന്നു.അവർ ഒരു ഗെയിം ഡെവലപ്പർ ആണ്.സ്വപ്ന എന്നാണവളുടെ പേര്.അവളുടെ വീട്ടിലെ ജോലിക്കാരി ആയ കലമ്മയുടെ കൂടെ ആണ് താമസം.ഏറെ ദുരൂഹതകൾ ഉണ്ട് അവളുടെ ജീവിതത്തിൽ.സിനിമ പറയുന്നത് ഇതെല്ലാം ആണ്.

സിനിമയുടെ കഥയുടെ ട്രീറ്റ്മെന്റ് ആണ് ആകർഷിച്ചത്.ഹൊറർ മൂഡിൽ തുടങ്ങി അതിന്റെ ഒപ്പം ടൈം ലൂപ്പ് ഒക്കെ ചേർത്തുള്ള ഒരു deadly combo എന്നു പറയാം.സിനിമയുടെ തുടക്കം മുതൽ നിലനിർത്താൻ കഴിഞ്ഞ മൂഡ്;പാട്ടുകൾ ,കോമഡി ഒക്കെ പൂർണമായും ഒഴിവാക്കി അതേപടി നിലനിർത്തി.ഒരു സൈക്കോളജിക്കൽ ത്രില്ലർ ആയി ഒരു ചിത്രം എങ്ങനെ ഒരുക്കാം എന്നതിന്റെ മികച്ച ഉദാഹരണം ആണ് ചിത്രം.

സിനിമ ഇറങ്ങിയ സമയം “മായ” യുടെ ഒപ്പം നിൽക്കുന്ന ഒന്നാണ് എന്നു കേട്ടിരുന്നു.എന്നാൽ ഹൊറർ ഘടകങ്ങളുടെ ഒപ്പം blend ആകുന്ന മറ്റു ചേരുവകകൾ കൂടി ചേർത്തപ്പോൾ ശരിക്കും ഹോളിവുഡ് ലെവലിൽ ഉള്ള അവതരണം ആയിരുന്നു ചിത്രത്തിന് ഉണ്ടായിരുന്നത്.ഇത്തരം പ്രമേയത്തിൽ ഉള്ള ചിത്രങ്ങളുടെ അവതരണ മികവ് എന്ന് ആണ് ഹോളിവുഡ് കൊണ്ടു ഉദ്ദേശിച്ചത്.കാരണം,ഇത്തരം പ്രമേയങ്ങൾ അവിടെ സാധാരണം ആണ്.എന്നാൽ കൂടിയും ഒരു പുതുമയുണ്ട്.പ്രത്യേകിച്ചും ഒരു ഇന്ത്യൻ ഭാഷയിൽ,ശ്രദ്ധയോടെ അവതരിപ്പിച്ച ചിത്രം എന്ന രീതിയിൽ നോക്കുമ്പോൾ.

എന്നും പറയുന്ന പോലെ ,തമിഴ് സിനിമയുടെ New-Wave ദിനങ്ങൾ അവസാനിക്കുന്നില്ല.അവർ വീണ്ടും വരുകയാണ്.എല്ലാ ഭാഷ ചിത്രങ്ങളും കാണുന്ന പ്രേക്ഷകനെ ആകർഷിക്കാൻ ആയിട്ടു.നമ്മുടെ പ്രേക്ഷകരും കാണട്ടെ ഇത്തരം പ്രമേയങ്ങൾ.മൊബൈലിലോ,കംപ്യൂട്ടറിലോ കാണുന്ന പ്രേക്ഷകന്റെ കൂടെ തിയറ്ററിൽ കൂടിയും.

മികച്ച ഒരു ശ്രമം ആണ് Game Over..സിനിമയുടെ പേരും കഥയും ആയി ഉള്ള ബന്ധം കൂടി നോക്കിയാലും നല്ല രീതിയിൽ പ്ലാൻ ചെയ്ത ചിത്രം ആണെന്ന് മനസ്സിലാകും.

അനുരാഗ് കശ്യപ് ആണ് നിർമാതാവ്!!

കാണാൻ ശ്രമിക്കുക..

More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ലിങ്ക് : t.me/mhviews

1085.Agent Sai Srinivasa Atreya(Telugu,2019)

1085.Agent Sai Srinivasa Atreya(Telugu,2019)
Mystery,Thriller.

“കേട്ടിട്ടില്ലാത്ത ഒരു കുറ്റാന്വേഷണ കഥ”

ജയിലിൽ വച്ചാണ് അത്രേയ ആ വൃദ്ധനെ കാണുന്നത്.അയാളുടെ പേര് മാരുതി റാവു.സ്വന്തം മകളെ കാണ്മാനില്ല എന്നു അയാൾ ആത്രേയയോട് പറയുമ്പോൾ ,ജയിലിൽ നിന്നും പുറത്തിറങ്ങിയാൽ ഉടനെ അവളെ കണ്ടു പിടിക്കാൻ അത്രേയ തീരുമാനിക്കുന്നു.എന്നാൽ പിന്നീടുള്ള ദിവസങ്ങളിൽ സംഭവിച്ചത് അപ്രതീക്ഷിതം ആയ കാര്യങ്ങൾ ആയിരുന്നു.മാരുതി റാവു എന്ന ഒരാൾ ജയിലിൽ വന്നിട്ടില്ല എന്നും.അയാളുടെ മകളുടെ തിരോധനത്തെ കുറിച്ചു പറഞ്ഞ കഥയിലും സംശയം.ഇപ്പോൾ അത്രേയ ഒരു കൊലയാളി ആയും മുദ്ര കുത്തപ്പെട്ടിരിക്കുന്നു.ധാരാളം ട്വിസ്റ്റും സസ്പ്പൻസും ഉള്ള ഒരു ചിത്രത്തിലേക്ക് പ്രേക്ഷകനെ ക്ഷണിക്കുകയാണ് ഇവിടെ.

അത്രേയ ഒരു ചെറിയ കുറ്റാന്വേഷണ ഉദ്യോഗസ്ഥൻ ആണെന്ന് പറയാം.യഥാർത്ഥത്തിൽ നെല്ലൂരിലെ FBI (????അതും ഒരു സസ്പെൻസ് തന്നെ ആയിരിക്കട്ടെ..) ഉദ്യോഗസ്ഥൻ ആണ്.വലിയ കേസുകൾ ഒന്നും ലഭിക്കാതെ ചെറിയ മോഷണ കേസുകൾ ഒക്കെ തെളിയിച്ചു ജീവിക്കുന്നു.ഷെർലോക് ഹോംസിന്റെ ആരാധകൻ,ഹോളിവുഡ് സസ്പെൻസ് സിനിമകളുടെ ആരാധകൻ.ഇതൊക്കെ ആണ് അത്രേയ.പുതിയതായി ഒരു അസിസ്റ്റന്റിനെ കിട്ടിയിട്ടുണ്ട്.സ്നേഹ.സിനിമ കാണിച്ചാണ് ട്രെയിനിങ് കൊടുക്കുന്നത്.ആദ്യ സീനിൽ തന്നെ Usual Suspects ന്റെ ഒക്കെ ക്ളൈമാക്‌സ് കണ്ടു പിടിക്കുന്ന വഴി ഉപദേശിച്ചു കൊടുക്കുന്ന അത്രേയ രസകരമായ ഒരു കഥാപാത്രം ആണ്.

നവീൻ പോളിഷെട്ടി ആണ് നായക കഥാപാത്രത്തെ അവതരിപ്പിക്കുന്നത്.വ്യത്യസ്തമായ ഒരു കഥയിൽ മുഖ്യ കഥാപാത്രമായി അയാൾ നന്നായി അഭിനയിച്ചു.സാധാരണ ഒരു തിരോധാന കഥയായിരിക്കും എന്നു കരുതി ഇരിക്കുമ്പോൾ ആണ് കഥയുടെ സ്വഭാവം മൊത്തം മാറുന്നത്.തെലുങ്കിൽ അധികം കണ്ടിട്ടില്ലാത്ത രീതിയിലൂടെ.തെലുങ്കിൽ മാത്രമല്ല ഈ അടുത്ത കാലത്തു തന്നെ ഇന്ത്യൻ ഭാഷകളിൽ വന്നിട്ടുള്ള മികച്ച ഒരു കുറ്റാന്വേഷണ കഥയായി തോന്നി.വ്യത്യസ്തവും!!

സിനിമ വളരെയധികം താല്പര്യത്തോടെ ആണ് കണ്ടതും.നന്നായി ഇഷ്ടപ്പെട്ടൂ!!കാണുക!!

സിനിമ Amazon Prime ൽ ലഭ്യമാണ്!!

More movie suggestions @www.movieholicviews.blogspot.ca

ടെലിഗ്രാം ചാനൽ ലിങ്ക്: t.me/mhviews

1083.The Handmaiden(Korean,2016)

1083.The Handmaiden(Korean,2016)
Thriller,Drama.

വിക്റ്റോറിയൻ കാലഘട്ടത്തിനെ ഓർമിപ്പിക്കുന്ന സെറ്റിങ്ങിൽ ആണ് “Handmaiden” ഒരുക്കിയിരിക്കുന്നത്.ഒരു Erotic സിനിമ എന്നു ഇടയ്ക്കു തോന്നിയാലും ,അപകടകരമായ ഇത്രയും കഥാപാത്രങ്ങൾ.അതും മനുഷ്യന്റെ സ്വഭാവത്തിന്റെ രണ്ടു വശങ്ങൾ ,നന്മയുടെയും തിന്മ/ചതി എന്നിവ നേരിട്ടു അവതരിപ്പിച്ചു ഭീകരമായ ഒരു അരങ്ങു ഒരുക്കിയിട്ടുണ്ട് ഈ ചിത്രത്തിൽ.

ഒരിക്കലും സിനിമയിലെ Erotic രംഗങ്ങൾ ഇക്കിളി ചിത്രങ്ങളിലെ പോലെ ആയി മാറുന്നുമില്ല.ആ കഥാപാത്രങ്ങൾ വികസിക്കുന്നത് ഇത്തരത്തിൽ വൈകാരികമായ പരിസരങ്ങളിൽ കൂടി ആണ്.ഒരു പക്ഷെ അവരിലെ സ്വഭാവത്തിൽ ഉള്ള രണ്ടു വശങ്ങളും ഇതിലൂടെ ആണ് പ്രേക്ഷകന് വ്യക്തം ആകുന്നതു.കഥയിലേക്ക് നോക്കിയാൽ,കൊറിയയിൽ ജപ്പാൻ അധിനിവേശം നടത്തിയ കാലഘട്ടം.ജാപ്പനീസ് പ്രഭു ആയ “ഫ്യൂജിവര പ്രഭു” ആണെന്ന് പരിചയപ്പെടുത്തിയ കൊറിയയിലെ ഒരു തട്ടിപ്പുകാരൻ,ധനികയായ, മറ്റൊരു കുടുംബത്തിലെ പ്രഭ്വിയുടെ സ്വത്തുക്കൾ സ്വന്തമാക്കാൻ ഉള്ള ശ്രമം തുടങ്ങുന്നു.അതിനായി അയാൾ കണ്ടെത്തിയത് അവരുടെ അടുക്കൽ തന്റെ പരിചയക്കാരി ആയ യുവതിയെ ജോലിക്കാരി ആക്കുക എന്നതായിരുന്നു.

ഈ കഥയ്ക്ക് പിന്നാലെ വലിയ ഒരു ചതി ഒളിഞ്ഞു കിടപ്പുണ്ടായിരുന്നു.പ്രേക്ഷന് മുന്നിൽ തുടക്കം തന്നെ അവതരിപ്പിക്കുന്ന ഈ കഥയിലെ ക്ളീഷേ ആയ ഒരു ചതി കഥയിൽ നിന്നും പിന്നീട് കഥയുടെ ദിശ തന്നെ മാറുന്നുണ്ട്.നേരത്തെ പറഞ്ഞ അപകടകാരികൾ ആയ കഥാപാത്രങ്ങളിലേക്കു.സാഹചര്യങ്ങൾ അവരിൽ പലരെയും മാറ്റി എന്നു പറയാമെങ്കിലും മനുഷ്യന്റെ സ്വഭാവത്തിൽ ഇരുണ്ട വശം,അതിന്റെ പൂർണതയോടെ ഇങ്ങനെ നിൽക്കുകയാണ്.

Oldboy ഉൾപ്പടെ ഉള്ള തന്റെ മുൻ സിനിമകളിലെ കഥാപാത്രങ്ങളിലൂടെ ,അപകടകാരികൾ ആയവരെ അതിന്റെ extreme ആയി തന്നെ പാർക്-ചാൻ-വുക് അവതരിപ്പിച്ചിട്ടുള്ളതാണ്.Vengeance Trilogy ഒന്നു മാത്രം മതി അതിന്റെ മൂർച്ച അറിയാൻ.സൂക്ഷ്മമായി അവതരിപ്പിച്ച കഥാപാത്രങ്ങൾ,ശരിക്കും പ്രേക്ഷകനെ ഒരു ത്രില്ലർ എന്ന നിലയിൽ സിനിമയെ കൂടുതൽ ആസ്വാദ്യകരം ആക്കുന്നു.ആദ്യം പറഞ്ഞത് പോലെ ഒരു Erotic ചിത്രമായി മാറ്റി നിർത്തരുത്.മികച്ച ഒരു ക്ലാസിക് കൊറിയൻ ത്രില്ലർ ആണ് Handmaiden.

കണ്ടു നോക്കുക!!

More movie suggestions @www.movieholicviews.blogspot.ca

ചിത്രം Amazon Prime ൽ ലഭ്യമാണ്..

1082.Bad Guys Always Die(Korean,2015)

1082.Bad Guys Always Die(Korean,2015)
Thriller,Suspense,Comedy

അപകടത്തിൽപ്പെട്ടു കിടക്കുന്ന കാറിൽ ഉള്ള സ്ത്രീയെ അവർ രക്ഷിക്കുന്നു.അവർ എന്നു പറഞ്ഞാൽ അവധിക്കാലം ചിലവഴിക്കാൻ പോകുന്ന 4 സുഹൃത്തുക്കൾ.ചൈനീസ് പൗരന്മാർ ആയ അവർ കൂട്ടത്തിൽ ഉള്ള അധ്യാപകനായ സുഹൃത്തു കൊറിയയിൽ ജോലി ചെയ്യുന്നത് കൊണ്ടു അവിടെ അവധിക്കാലം ആഘോഷിക്കാൻ വന്നതാണ്.അപകടത്തിൽപ്പെട്ട സ്ത്രീയെ കൊണ്ടു ആശുപത്രിയിൽ പോകുന്ന സമയം ആണ് വഴിയിൽ വച്ചു ഒരു പൊലീസുകാരനെ കാണുന്നത്.അവർ അയാളോട് അപകടം റിപ്പോർട്ട് ചെയ്യാൻ അയാളുടെ അടുക്കൽ വണ്ടി നിർത്തിയപ്പോൾ പെട്ടെന്ന് ആ സ്ത്രീ പോലീസുകാരന് നേരെ വെടിയുതിർക്കുന്നു.

ഭയന്നു പോയ അവരിൽ 2 പേരെ ആ സ്ത്രീ ബന്ദിയാക്കുന്നു.മറ്റു രണ്ടു പേർ പോലീസ് കാറും കൊണ്ടു രക്ഷപ്പെട്ടു പോലീസ് സ്റ്റേഷനിൽ എത്തുന്നു.പിൻസീറ്റിൽ വെടിയേറ്റ പോലീസുകാരനും ഉണ്ട്.എന്നാൽ അവിടത്തെ പോലീസിനെ ബന്ധപ്പെട്ടു കാറിന്റെ അടുക്കൽ എത്തിച്ചപ്പോൾ പിൻ സീറ്റിൽ വെടിയേറ്റ പോലീസുകാരൻ ഇല്ല.പകരം കാറിന്റെ ഡിക്കിയിൽ ബന്ധിയാക്കപ്പെട്ട മറ്റൊരു പോലീസുകാരൻ!!

ഹോ!!അഞ്ചു മിനിറ്റ് സമയം കൊണ്ട് ഒരു സിനിമയിൽ സംഭവിച്ചതാണ് ഇതൊക്കെ.പ്രേക്ഷകന് പെട്ടെന്ന് എന്താണ് നടക്കുന്നത് എന്നു പോലും മനസ്സിലാകില്ല.ഈ സംഭവങ്ങൾക്ക് ശേഷം പുതുതായി വേറെയും കുറെ കഥാപാത്രങ്ങൾ. കൊറിയൻ ഭാഷ വലിയ പിടിയില്ലാത്ത 3 കഥാപാത്രങ്ങളും അവരെ പ്രതിയാക്കി പോലീസ് കേസ് അന്വേഷണം നടത്തുമ്പോൾ ഒളിഞ്ഞിരിക്കുന്ന ധാരാളം സംഭവങ്ങൾ ഉണ്ട്.ഓരോ സീൻ കഴിയുമ്പോഴും അതങ്ങനെ വരുകയാണ്.അവസാനം ഒക്കെ ആകുമ്പോൾ ആണ് പിന്നെയും പിന്നെയും ട്വിസ്റ്റുകൾ.കോമഡിയുടെ അകമ്പടിയോടെ ആകുമ്പോൾ കൂടുതൽ നല്ല രസകരം ആണ്.ഡാർക് കോമഡി ധാരാളം ഉപയോഗിച്ചിട്ടുണ്ട് ചിത്രത്തിൽ.

കൊറിയൻ-ചൈനീസ്-ഹോങ്കോങ് പ്രൊഡക്ഷൻ ആണ് ചിത്രം.കൊറിയൻ സിനിമകളിലെ കൊമേർഷ്യൽ വിഭാഗത്തിൽ ഉൾപ്പെടുന്ന ചിത്രം കൊറിയൻ സിനിമ പ്രേക്ഷകരെ നിരാശപ്പെടുത്തില്ല.കണ്ടു നോക്കുക.

More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ചാനൽ ലിങ്ക് : t.me/mhviews

1084.The Other(English,1972)

1084.The Other(English,1972)
Mystery,Phsychological Thriller.

ഹോളണ്ട് പെറിയും നൈൽസ് പെറിയും.ഇരട്ട കുട്ടികൾ ആണ്.അടുത്താണ് അവരുടെ പിതാവ് മരണപ്പെട്ടത്.മുപ്പതുകളുടെ മധ്യ ഭാഗം ആണ് കാലഘട്ടം.ഗ്രാമത്തിലെ വലിയ വീട്.അവിടെ ആണ് അവരുടെ കുടുംബം ജീവിക്കുന്നത്.ഇവരുടെ മൂത്ത സഹോദരി ഗർഭിണിയാണ്.’അമ്മ ജീവനോടെ ഉണ്ട്.ഇവരുടെ കുടുംബത്തിൽ “The Great Game” എന്നു വിശേഷിപ്പിക്കുന്ന ഒരു കളിയുണ്ട്.Astral Projection.അവരുടെ റഷ്യയിൽ നിന്നും ഉള്ള മുത്തശ്ശി ആണ് ഇതിൽ ഗുരു.അവയുടെ കുടുംബത്തിൽ ഓടുന്ന വിദ്യ.എന്നാൽ ദുരൂഹമായ പലതും ആണ് ഈ കുടുംബത്തിൽ ഈ അടുത്തായി നടക്കുന്നത്.സ്വാഭാവികം എന്നു തോന്നും എങ്കിലും കാഴ്ചക്കാരിൽ ദുരൂഹത ഉണ്ടാക്കുന്ന സംഭവങ്ങൾ.ഇതിന്റെ സത്യാവസ്ഥ അറിയാവുന്ന ഒരാൾ ഉണ്ട്.എന്താണ് അവിടെ സംഭവിക്കുന്നത്???

ഇത്രയും പറഞ്ഞതു ആണ് കഥയുടെ സാരം.കൂടുതൽ വ്യക്തമാക്കുവാൻ അല്ലെങ്കിൽ വിവരിക്കുവാൻ ബുദ്ധിമുട്ടാണ് ഈ കഥ.ഇതിന്റെ അപ്പുറം ആ കുടുംബത്തിൽ നടക്കുന്ന സംഭവങ്ങൾ.അതിനെല്ലാം ദുരൂഹതകൾ ഏറെയാണ്.പ്രേക്ഷകന്റെ കണ്മുന്നിൽ നടക്കുന്ന സംഭവം ആണെങ്കിൽ പോലും ക്ളൈമാക്‌സ് വരെ പ്രേക്ഷകനെ കുഴപ്പിക്കുന്ന മികച്ച ഒരു സൈക്കോളജിക്കൽ ത്രില്ലർ.

Devil Child concept ആയി വരുന്ന സിനിമകൾ കണ്ടിട്ടുണ്ട്.എന്നാൽ അതിൽ നിന്നും എല്ലാം വ്യത്യസ്തമാണ് ഈ ചിത്രം.ശക്തമായ നിഗൂഢത നിറഞ്ഞ പ്രമേയം തന്നെ ആണ് ചിത്രത്തിന്റെ മുഖമുദ്ര.തിയറ്ററിൽ അധികം ചലനം ഉണ്ടാക്കാത്ത ചിത്രം എന്നാൽ ടി വിയിലൂടെ ഒരു ക്ലാസിക് ആയി മാറുക ആയിരുന്നു.സിനിമയേക്കുറിച്ചു മോശം അഭിപ്രായം പറഞ്ഞവർ പോലും കാലക്രമേണ അഭിപ്രായം തിരുത്തി.പ്രധാനമായും സിനിമയുടെ കഥ ആദ്യ കാഴ്ചയിൽ പൂർണമായും ഉൾക്കൊള്ളാൻ പലർക്കും കഴിഞ്ഞിരുന്നില്ല എന്നു വായിച്ചിട്ടുണ്ട്.

തീർച്ചയായും കാണേണ്ട സിനിമകളുടെ ലിസ്റ്റിൽ ഉറപ്പായും ഉൾപ്പെടുത്തേണ്ട ചിത്രം ആണിത്.പ്രത്യേകിച്ചും സൈക്കോളജിക്കൽ ത്രില്ലർ ചിത്രങ്ങളുടെ ആരാധകർക്ക്.ചിത്രത്തിന്റെ ക്ളൈമാക്‌സ് ടി വി പ്രേക്ഷകർക്കായി മാറ്റിയെന്നും.എന്നാൽ പിന്നീട് അത് തിയറ്ററിക്കൽ വേർഷനിലേക്കു മാറ്റുകയാണുണ്ടായത്.

മുൻപ് പറഞ്ഞതു പോലെ,കഴിയുമെങ്കിൽ ചിത്രം കാണുക!!

More movie suggestions @www.movieholicviews.blogspot.ca

ചിത്രത്തിന്റെ ടെലിഗ്രാം ചാനൽ ലിങ്ക് :t.me/mhviews

1078.Cobra Kai(English,2019- )

1078.Cobra Kai(English,2019- )
Season 1 and 2

നമ്മുടെ ഒക്കെ കുട്ടിക്കാലത്തു ഇഷ്ടപ്പെട്ട കഥാപാത്രങ്ങൾ വളർന്നു വലുതായി നമ്മുടെ മുന്നിൽ ഇങ്ങനെ വന്നു അങ്ങനെ നിൽക്കുക ആണ്.ഡാനിയൽ ലാരൂസോയും,ജോണി ലോറൻസും,ജോണ് ക്രീസും എല്ലാം.അവരുടെ എല്ലാം ജീവിതം തന്നെ വേറെ ഒന്നാണ്.അന്നത്തെ Valley ടൂർണമെന്റിൽ നടന്നതൊക്കെ ആണ് നമ്മുടെ ഒക്കെ മനസ്സിൽ.അവരും നമ്മുടെ ഒപ്പം വളർന്നിട്ടുണ്ട് കേട്ടോ.മുതിർന്ന കുട്ടികൾ ഉള്ള,ആളുകൾ ഒക്കെ ആയി.The Next Karate Kid വരെ മിയാഗി ഉണ്ടായിരുന്നു എന്ന് ആണ് തോന്നുന്നത്.അദ്ദേഹം മരിച്ചെങ്കിലും കഥയുമായി അദ്ദേഹത്തിന് നല്ല ബന്ധമുണ്ട്.

പഴയ പോലെ ഫുൾ ടെൻഷൻ അല്ല സീരീസിൽ.ഏറ്റവും സന്തോഷം തോന്നിയ ഓരോ എപിസോഡ് ഉണ്ട് ജോണിയും ഡാനിയാലും ഒരുമിച്ചു സമയം പങ്കു വയ്ക്കുന്നത് ഒക്കെ.അന്നൊന്നും പ്രതീക്ഷിക്കാൻ പോലും കഴിയാത്തത്.Epic Cool Moment എന്നൊക്കെ പറയാം.നീലകണ്ഠനും ശേഖരനും പോലെ നമ്മളെ ത്രസിപ്പിച്ചവർ ഒത്തു ചേർന്ന സൗഹൃദം പങ്കിടുന്നത് ഒക്കെ.

ഇത്തവണ ജോണിയുടെ ഭാഗത്തു നിന്നും ആണ് സീസണ് 1 കഥ തുടങ്ങുന്നത്.അയാൾക്കും നീതി ലഭിക്കട്ടെ.തുടക്കത്തിൽ ഡാനിയൽ അല്പം കോമാളി ആയി മാറിയോ എന്നു സംശയിക്കും.ജോണി ആകെ മാറി.ആ ഒറ്റ തോൽവി അയാളുടെ ജീവിതം തന്നെ തകർത്തൂ.കരാട്ടെ ഇപ്പൊ അവിടെ വലിയ കാര്യമല്ല.പക്ഷെ സ്‌കൂളുകളിൽ ഇപ്പോഴും ശക്തരും ആശക്തരും ഉണ്ട്.പ്രത്യേകിച്ചു bullying നു പേര് കേട്ട അമേരിക്കൻ സ്‌കൂളുകളിൽ.ജോണി ഇവിടെ ദുർബലരുടെ കൂടെ ആണ്.നവീകരിച്ച “കോബ്ര കായി”.ജോണ് ക്രീസിന്റെ അല്ലാത്ത കോബ്ര കായി.

ഇവിടുന്നു തുടങ്ങുക ആണ് സീരീസ്.ബോർ അടിപ്പിക്കാതെ.പ്രത്യേകിച്ചും ഒരു തലമുറയുടെ നൊസ്റ്റാൾജിയ മൊത്തം വഹിച്ചു കൊണ്ടു ഇവരെ ഓരോരുത്തരെയും ആധുനിക കാലഘട്ടത്തിലേക്കു പറിച്ചു മാറ്റി,അതിൽ വിജയിയെയും പരാജിതനെയും കാണുന്നതിന് പകരം വീണ്ടും സന്തോഷം തരുന്ന ആ കഥാപാത്രങ്ങളെ മുന്നിൽ നിർത്തി കൊണ്ടു തന്നെ.അതിൽ പുതിയ തലമുറയെ കൂടെ ഉൾപ്പെട്ട്ജിയിട്ടുണ്ട്.മകൻ,മകൾ,ശിഷ്യൻ.അങ്ങനെ കുറെ ആളുകൾ.അവരും കൂടി ചേർന്നാണ് കഥ മുന്നോട്ടു കൊണ്ടു പോകുന്നത്.അവരിലേക്ക്‌ കൂടി ഒരു തലമുറയുടെ രീതികൾ പകരുകയാണ്.നമ്മൾ പ്രതീക്ഷിക്കുന്നതിനും അപ്പുറം.നല്ല ക്‌ളാസ് മാർഷ്യൽ ആർട്‌സ് കാണാം എന്നതും മെച്ചം.

കരാട്ടെ കിഡ് ഒക്കെ ജുറാസിക് പാർക് കാലഘട്ടത്തിനു മുന്നേ കാസറ്റുകളിലൂടെ നമ്മളിൽ പലരും കണ്ടു ഇഷ്ടമായ കഥാപാത്രങ്ങൾ ആകും.അങ്ങനെ ആണ് ഇവരെ എല്ലാം ആദ്യം കാണുന്നത്.പിന്നീട് ഇവരൊക്കെ ഓർമയുടെ കൾപ്പകത്തുണ്ടിൽ സ്ഥാനം പിടിച്ചു എന്നു മാത്രം.അന്നത്തെ കുട്ടികൾക്ക് വീണ്ടും ചെറുപ്പം ആകാനും വേണമെങ്കിൽ പിന്നെ ഉള്ളവർക്ക് സാധാരണ ഒരു സീരീസ് പോലെ ഒക്കെ കണ്ടു തുടങ്ങുകയും ആകാം.

രണ്ടു സീസണ് കഴിഞ്ഞു.ആദ്യ സീസണ് ഫിനാലെയിൽ നൽകിയ സർപ്രൈസ് പോലെ ഒരെണ്ണം തന്നാണ് രണ്ടാം സീസണ് തീർത്തത്.അതും കൂടി മുഴുമിച്ചാൽ വലിയ സംഭവം ആകും.അവരെല്ലാം കൂടി ഇനി ഒരുമിച്ചു കാണുമ്പോൾ???അതും ജോണി ഇങ്ങനെ നിൽക്കുമ്പോൾ…!~

പ്രതീക്ഷ ആണ്..ഫുൾ പ്രതീക്ഷ..ഒരു വില്ലനോട് ഒരിക്കലും തോന്നാത്ത അത്ര ഇഷ്ടം ആണ് ഇപ്പോൾ….ജോണി ലോറന്സിനോട്..

സീരീസ് ടെലിഗ്രാം ചാനൽ ലിങ്ക്:.t.me/mhviews